Ámbitu debate no votasaun Proposta Lei OJE 2022 iha faze espesialidade, iha sala plenária PN, segunda (06/12). Imajen TATOLI/Egas Cristóvão.

DILI, 07 dezembru 2021 (TATOLI)—Deputadu sira iha Parlamentu Nasionál, tersa ne’e, aprova proposta Orsamentu Jerál Estadu (OJE) 2022 ba Ministériu ba Asuntu Parlamentár no Komunikasaun Sosiál (MAPKOMS) ho montante $9,066,076 iha faze espesialidade ho rezultadu votasaun a-favór 42, kontra rua (2) no abstensaun 17.

“Nune’e Orsamentu Jerál Estadu ba Ministériu ba Asuntu Parlamentár no Komunikasaun Sosiál pasa,” Prezidente Parlamentu Nasionál, Aniceto Longuinhos Guterres Lopes, anunsia liuhosi plenária.

Papél Ministéiru ba Asuntu Parlamentár no Komunikasaun Sosiál (MAPKOMS) nu’udar departamentu governamentál responsável ba kosensaun, ezekusaun, koordenasaun no avalia polítika, define no aprova hosi Konsellu Ministru ba área komunikasaun sosiál no asuntu parlamentár (Artigo 16º do Decreto-Lei N.º 20/2020 de 28 de maio, primeira alteração ao Decreto-Lei N.o 14/2018, de 17 de agosto, sobre a Orgânica do VIII Governo Constitucional).

Iha OJE 2022 ne’e, MAPKOMS prevee $9,066,076 ne’ebé aloka ba saláriu vensimentu $942,052, bens Servius $3,498,425, kapitál menór $115,777, kapitál dezenvolvimentu $2,000,000 no transferénsia $2,509,822, hodi finansia programa rua (2), sub-programa haat (4) no atividade 20.

Programa prioridade MAKPOMS nian mak hanesan iha programa ho kódiku 439, garante liberdade espresaun no asesu informasaun sei gasta 6,349,644 no programa ho kódiku 510, boa-governasaun no jestaun instituisionál sei gasta $2,716,432.

Programa garante liberdade espresaun no asesu informasaun, ho objetivu médiu prazu aumenta númeru populasaun ezerse no espresa sira-nia opiniaun ba Governu kona-ba asuntu governasaun, dezenvolvimentu no asuntu importante.

Ninia Sub-programa, diseminasaun informasaun kona-ba asaun governativa no pograma dezenvolvimentu, ho nia atividade peskiza index públiku asesu meiu komunikasaun sosiál, fortalese servisu komunikasaun sosiál no informasaun Governu, disemina infomrasaun programa Governu no dezenvolvimentu ba públiku iha nivél nasionál, munisipál no komunitária.

Nune’e mós atividade Governu no meiu komunidade (Governu iha provu nia leet (Naroman ba Suku).

Aleinde sub-programa enkoraja diversifikasaun meiu komunikasaun sosiál, ho nia atividade fortalesimentu rádiu komunidade, atividade promosaun no konsolidasaun papél RTTL, polítika  no elabora lejislasaun iha área komunikasaun sosiál.

No atividade promove diversifikasaun meiu komunikasaun sosiál iha nivél munisipál, formasaun téknika iha komunikasaun, reforsa servisu Agéncia Noticiosa TATOLI, IP, atividade konstrusaun torre RTTL iha lokál 12 (Naunil, Codo, munisípiu Lautém, Monte Perdidu – Viqueque, Hobonaro-Ainaro, Lalimlau-Ermera, Tapo Tas-Maliana, Oé-Cusse, Manatuto, Manufahi, Balibo-Maliana no Covalima), no fortalese relasaun ho organizasaun mídia no grupu komunitáriu (apoia mídia privadu).

Enkuantu programa boa-governasaun no jestaun instituisionál ho objetivu médiu prazu (outcome) konstrui konfiansa Governu.

Ninia sub-programa boa-governasaun ho atividade planeamentu, dezenvolvimentu estratéjiku no orientasaun polítika, inspesaun fiskalizasaun no auditoria, koordenasaun asuntu parlamentár.

Sub-programa jestaun instituisionál ho nia atividade jestaun finanseira administrasaun no lojístika, planeamentu monitorizasaun no estatístika, jestaun rekursu umanu, formasaun no kapasitasaun rekursu umanu, aprovizionamentu no jestaun kontratu,

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here