Restu mortál ne’ebé haloot iha osoáriu munisípiu Covalima, postu administrativu Maucatar, Munisípiu Covalima. Imajen Tatoli/Celestina Teles.

COVALIMA, 04 dezembru 2021 (TATOLI)—Xefe Komisaun Rekola Restu Mortál, Sebastião Guterres, informa munisípiu Covalima espesiál iha postu administrativu Maucatar, komisaun rekola ona restu mortá hamutuk 773.

“Ami hahú rekolla restu mortál iha tinan 2016 ba faze dahuluk hamutuk 300-resin. Faze daruak hahú rekolla iha tinan 2018 to’o 2019 ami halibur tan 400-resin. Agora para uitoan tanba uma mahon nakonu ona,” Sebastião Guterres informa ba Agência Tatoli, iha salaun administrasaun Covalima, sesta ne’e. 

Restu mortál hirak ne’ebé rekolla hosi postu Maucatar ne’e, agora daudaun hatuur hela iha osóariu ne’ebé lokaliza iha suku Ogues, rai restu mortál 200-resin no iha uma mahon postu Maucatar ne’e rai restu mortál hamutuk 400-resin 

Komisaun rekola restu mortál iha Covalima, rekolla uluk restu mortál hosi fundadór sira, martires komandante sira no responsável sira hafoin rekolla fali povu baibain sira-nia restu mortál.

Restu mortal hirak ne’e, komisaun rekolla restu morál hahú rekolla iha tinan 2016 to’o 2019 maibé komisaun hasoru difikuldade tanba orsamentu laiha.

“Iha tinan 2018, ami haruka proposta atu harii tan jardim dos herois no monumentu maibé kestaun orsamentu laiha. Maske haruka ona proposta ba minietériu kompetente maibé to’o ohin loron seidauk iha rezultadu, no espera iha tinan 2022 bele harii jardim dos herois no monumentu iha Covalima,” nia dehan.

Nia esplika, iha Covalima úniku postu administrativu Maucatar mak foin halibur restu mortál,  tanba ne’e Governu liuhosi ministériu kompetente mós rekuñese ona, no funsionáriu kontradu na’in-rua mak haree. 

Kona-ba postu administrativu sira seluk, nia dehan, ne’e ida-idak nia responsabilidade tanba sekretáriu zona no konsellu hamriik ona iha ida-idak ninia postu, maibé oras ne’e daudauk halo  ona levantamentu ba timor-oan sira-ne’ebé mate hahú 1975 to’o 1999 haruka ba sekretáriu Munisípiu,” nia dehan.

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here