Imajen/ Espesial

DILI, 01 dezembru 2021 (TATOLI)—Xefe Sentru Saúde Ermera Vila, munisipiu Ermera, Manuel Soares, informa, hahú janeiru to’o novembru, rejista pasiente ho morasa infensaun respiratóriu ka ISPA hamutuk 9.769.

“Hahú janeiru too novembru 2021 moras ne’ebé mak aas iha Sentru Saúde Ermera villa rejista moras Ispa   hamutuk 9.769, kompostu hosi mane na’in-4.138 no feto na’in-5.631.  Tuir fali moras diareia hamutuk 930, mane 448 no 482 no isin katar hamutuk 352, kompostu mane 150 no feto 202, pneumonia na’in-313, mane 169 feto 144,’’ Xefe Sentru Saúde Ermera Villa, hateten ba Agência TATOLI via telefónika, kuarta ne’e.

Sentru Saúde ne’e mós rejista bebé na’in-lima mak mate, hosi númeru ne’e bebe na’in-ida  mate iha kabun laran.

Daudaun, Sentru ne’e hahú halo ona sensibilisazaun informasaun ba komunidade atu hamoos lixu sira iha uma no fatin públiku hodi prevee an hosi moras dengue.

“Ami seidauk rejista moras dengue, maibé  ami sensibiliza ona ba komunidade iha tempu udan tenke hamoos uma laran liuliu hamoos lixu sira atu moris iha ambiente saudavél no moos,’’ nia akresenta.

Kona-ba aimoruk sei sufisiente atu fó atendimentu ba pasiente sira hodi bele rekupera nia saúde.

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here