Ministru Edukasaun, Juventude no Desportu, Armindo Maia. Imajen TATOLI/Francisco Sony

DILI, 01 dezembru 2021 (TATOLI)–Prosesu konstrusaun fíziku eskola 203 iha tinan ne’e atraza tanba presiza kumpre regra balun hosi finansa, maski antes ne’e halo ona transferénsia ona millaun $20 ba konta bankária grupu komunitária atu hahú konstrusaun.

“Maski konstrusaun atraza, maibé ministériu edukasaun liuhosi Diresaun Nasionál Infraestrutura Edukativa esforsu atubele realiza konstrusaun eskola 197 iha dezembru tinan ne’e, hafoin tinan oin maka kontinua tan ho eskola neen atu nune’e bele kompleta,” Ministru Edukasaun Juventude no Desportu (MEJD), Armindo Maia, informa iha resintu Parlamentu Nasionál (PN), kuarta ne’e.

Aleinde ne’e, MEJD foin asina kontratu ho Fundu Kapitál Dezenvolvimentu, nune’e tempu besik bele kontinua ona konstrusaun.

“Planu iha projetu 22 mak sei realiza, tanba ne’e atu haree didi’ak totál projetu konstrusaun eskola ne’e sei iha projetu 225 mak sei avansa,” nia akresenta.

Jornalista : Tomé Amado

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here