Reabilitasaun Jináziu Dili ka Gedung Matahari Terbit (GMT) finaliza ona ka atinje ona 100%. Imajen TATOLI/ Hortencio Sanchez

DILI, 01 dezembru 2021 (TATOLI)– Jerente Kompaña Victoria Construction Unipesoal Lda, Ady, informa, progresu reabilitasaun Jináziu Dili ka  Gedung Matahari Terbit (GMT) finaliza ona ka atinje ona 100%.

“Ita halo reabilitasaun hahú iha 2019 to’o ohin finaliza ona. Ita komunika ona ho Governu atubele entrega iha semana ne’e,” Jerente empreza Victoria ne’e,  hateten ba Agência TATOLI iha Jináziu Dili, tersa ne’e.

Jerente Kompaña Victoria Construction Unipesoal Lda, Ady. Imajen TATOLI/Hortencio Sanchez

Sekretaria Estadu Juventude no Desportu (SEJD) fó fiar ba kompañia iha 29 outubru 2019 no tuir kontratu ne’ebé selebra tinan ida,  maibé mosu pandemia global mak foin finaliza iha 2021 ne’e.

SEJD aloka orsamentu ba reabilitasaun jináziu Dili ne’e ho montante $412,595.61.

“Ho montante orsamentu ne’ebé iha la sufisiente, nune’e  iha 2021 kompañia husu tan adisionál $33.000  ne’ebé Governu selu hotu ona ba kompañia,” nia akresenta.

Ho orsamentu ne’e, empreza hala’o reabilitasaun ka hadi’a uma nia lolon, hadi’a jenáziu laran liuliu troka kadeira sira no instala kampu basketball no volleyball iha laran no seluk tan.

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here