Graduasaun IOB iha salaun IOB, Fomentu, segunda (29/11). Imajen TATOLI/Egas Cristóvão

DILI, 29 novembru 2021 (TATOLI)—Institute of Bussiness (IOB) realiza seremónia graduasaun ba da-XIV, iha segunda ne’e, ba estudante hamutuk 235 iha faze dahuluk hosi totál finalista hamutuk 480, enkuantu finalista 245 sei tuir graduasaun iha tersa (30/11).

Iha biban ne’e, Reitór IOB, Pedro Ximenes, enkoraja graduadu atu hadomi serbisu saida de’it ne’ebé aban bainrua sei asume.

“Husu graduadu sira bainhira hetan serbisu saida no ne’ebé de’it, tantu boot ka kiik, tenke hatudu domin boot, atu nune’e bele hetan rezultadu di’ak,” Reitór IOB hateten hafoin ramata seremónia graduasaun iha salaun IOB, Fomentu.

Notísia relevante: Estudante finalista 480 hosi IOB sei partisipa graduasaun

Graduasaun IOB iha salaun IOB, Fomentu, segunda (29/11). Imajen TATOLI/Egas Cristóvão

Aleinde ne’e, Reitór Instituisaun Ensinu Superiór Privadu ne’e husu ba estudante hotu, tantu graduadu no ativu hela, atu iha obrigasaun kuidadu naran di’ak instituisaun.

“Labele haluha almamater ida-ne’e, tanba bainhira IOB ninia identidade atu morin, estudante hotu sei responsabilidade. Lia-menon simples ne’ebé hato’o ba estudante sira sai hanesan palavra orden atu banati tuir Santa Maria Teresa, katak la presiza halo buat boot maibé ho buat  kiik de’it, naran katak halo ho domin ne’ebé boot,” nia hameno.

Seremónia graduasaun ne’e ba Fakuldade Ekonomia Negósiu, Informátika (ICT, sigla portugés) Ospitalidade Turizmu no programa Mestradu.

Jornalista : Tomé Amado

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here