Diretór Servisu Nasionál Ambulánsia no Emerjénsia Médika (SNAEM),I.P, Horacio Sarmento da Costa. Imajen Tatoli/Francisco Sony

DILI, 26 novembru 2021 (TATOLI)— Servisu Nasionál Ambulánsia no Emerjénsia Médika, Institutu Públiku (SNAEM, I.P, sigla Protugés), prevee $997,141 hodi finansia programa rua, sub-programa haat no atividade 10 iha Orsamentu Jerál Estadu (OJE) 2022.

“Ami prevee osan ho monante $997,141 no husu tan adisionál $200.000 atu selu ba profisionál saúde no funsionáriu ka kapitaun ró ambulánsia inklui halo manutesaun ba ró,” Diretór Servisu Nasionál Ambulánsia no Emerjénsia Médika, Horacio Sarmento da Costa, hateten ba Agência TATOLI iha Portu-Dili, sesta ne’e. 

Hosi montante orsamentu $977,141 ne’e fahe ba kategoria, salariu no vensimentu $50,963, bens servisu $851,178 no kapitál menor $75,000.

Orsamentu ne’e finansia ba programa rua, hanesan programa ho kodigu 510 kona-ba governasaun di’ak no jestaun institisionál ho alokasaun orsamentu $ 264,785 no programa kodigu 805 kona-ba saúde prevee osan $ 712,356.

Iha programa jestaun institusionál ho nia atividade kona-ba jestaun veíkulu espesífiku saúde aloka $113,940 ho indikadór númeru veíkulu ambulánsia disponivél iha territóriu nasionál no hametin kontrolu kualidade ba atedimentu ambulánsia.  

“Ita iha tinan 2022 la sosa ambulánsia tanba daudaun ambulánsia sufisiente,maibé ita iha meta atu kontrolu kualidade atendimentu ambulánsia sira iha territóriu nasionál,’’ nia akresenta.

Notísia Relevante: Indonézia oferese ró ambulánsia ida ba MS

Jornalista : Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here