Mediku sira prepara hela Vasina AstraZeneca Covid -19 hodi oferese ba komunidade sira, kuarta 18/11/2021 Imajen Tatoli/Antonio Goncalves

DILI, 23 novembru 2021 (TATOLI)— Ministériu Saúde (MF) submete ona lista liña frente profisionál saúde sira hamutuk 7.600 ba Sekretáriadu Tékniku COVID-19 iha Ministériu Finansa hodi prosesa  pagamentu suplementu remuneratóriu.

“Profisionál saúde ne’ebé dokumentu loos ona hamutuk 7.600 no ami haruka ona ba Ministériu Finansa ho justifikasaun atu prosesa ona pagamentu iha semana ne’e,’’  Diretór Jerál Servisu Koorporativu, Ministériu Saúde,  Marcelo Amaral, hateten ba Agência TATOLI, iha knaar fatin-Dili, tersa ne’e.

Notísia Relevante: Fulan ne’e, MS submete lista liña frente ba MF

Diretór Jerál ne’e esplika lista profisionál saúde ne’ebé mai hosi munisípiu sira hamutuk 7.947, maibé halo verifikasaun balun dokumentu la kompletu hanesan, kartaun vasina laiha no balun la tau kategoria tuir lei.

Nune’e, MS konsenge submete profisionál saúde hosi munsípiu 300-resin hodi kompleta ho pesoál saúde iha nasional  hanesan médiku, enfremeiru no tékniku ne’ebé serbisu iha kuaretena, izolamentu no iha fronteira sira hamutuk 7.600.

“Sira (profisionál saúde) ne’ebé mak seidauk vasina dokumentu, hein sira vasina hodi kompleta nia dokumentu, hafoin sira simu nia direitu tanba ita dehan liña frente tiha, maibé lakohi vasina,” nia akresenta.

Daudaun, Ministériu Saúde hahú aprezenta ona justifikasaun profisionál saúde sira nia hahú janeiru to’o setembru hodi Ministériu Finansa halo pagamentu.

Notísia Relevante: MF halo pagamentu suplementu remuneratóriu ba membru PNTL 3.821

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here