Membru Unidade Polisia Fronteira (UPF) prende hela mina ilegál iha fronteira Batugade.Imajen/Media PNTL

DILI, 22 novembru 2021 (TATOLI)– Komandante Unidade Polísia Fronteira (UPF), Superintendente Polísia Euclides Belo, informa, fó ona instrusaun ba membru sira iha postu sira atu reforsa patrollamentu iha liña fronteira sira atu prevene ema no sasan tama-sai ilegál iha iha loron boot Santo Natál 2021 no Tinan foun 2022.

“Daudaun, ami halo operasaun ne’ebé agresivu tebes atu asegura ema no sasan labele tama ilegálmente tama mai iha territóriu Timor-Leste no tama bá área juridisaun Indonézia,” Superintendente Polísia Euclides, hateten ba Agência TATOLI, iha Hotel Luz Clarita-Audian, segunda ne’e.

Nune’e, UPF komprometidu mantein seguransa ne’ebé di’ak iha liña fronteira atu sai fatin seguru ba ema hotu.

“Ami serbisu hamutuk ho autoridade hotu-hotu inklui komunidade sira fó apoia hodi garante seguransa iha liña fronteira,” nia akresenta.

Tanba, Eulides Belo esplika atu asegura seguransa ho di’ak iha liña fronteira, la’ós resposabilidade UPF nian de’it, maibé parte Autoridade Lokál, Komunidade iklui mós F-FDTL.

“Ami serbisu makas hamutuk ho autoridade lokál sira iha liña fronteira, liuhosi sensibilisaun ba komunidade sira atubele hala’o atividade negósiu tuir dalan  normál ka legál,” nia afirma.

Jornalista :  Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here