Estudante sira simu Prezidente Republika, Francisco Guterres Lú Olo bainhira vizita ba Eskola Sekundária Jerál Públiku (ESJP) Seran-Kotek, Munisípiu Covalima, Kinta (27/06/2019). Imajen TATOLI/Eugénio Pereira.

COVALIMA, 22 novembru 2021 (TATOLI)—Diretòr Ensinu Sekundáriu Jerál Covalima, Francelino Carvalho informa, estudante sira iha Eskola Sekundáriu Jeràl Suai hahú ona hala’o ezame pasajen klase. 

Esudante sira hala’o ezame pasajen klase bazea ba mudansa kalendàriu hosi Ministériu Edukasaun Juventude no Desportu ne’ebé estudante hahú ezame pasajen klase iha loron 22 to’o 27 fulan ne’e.

“Ohin, hahú realiza ezame eskola sekundária Suai komesa ezame periódu pasajen klase ne’e, eskola ida-ne’e fahe ba turno dadeer no lorokraik,” Francelino Carvalho informa ba Agência Tatoli iha nia kna’ar fatin, Covalima, segunda ne’e.

Maske eskola hahu ona ezame maibè eskola sekundáriu jerál hasoru difikuldade tanba laiha konsensoes eskolár. 

Diretòr Ensinu Sekundáriu Públiku Covalima, Francelino Freitas Carvalho. Imajen Tatoli /Celestina Teles.

“Iha fulan-janeiru ne’e ami sosa konsesoens eskolar hanesan surat-tahan mutin, jis no seluk tán maibe ami la garantia tempu Natal sei realiza iha dezembru nia laran. Konsesoens eskolar ba ensinu báziku iha ona, hela eskola sekundáriu jerál mak seiduak iha,” nia dehan.

Bazea ba dadus estudante eskola sekundáriu jerál Covalima ne’ebé partisipa ezame pasasajen klase ne’e estudante désimu ano hamutuk 1.523 ne’ebè klarifika kada turma desimu ano 827 kompostu hosi feto 431 no mane 396.

Enkuantu désimu primeiru ano hamutuk 653 kompostu hosi feto 370 no mane 283 ne’e, ne’ebé klarifika ba turma dadeer uza sala-de-aula 15 no turma lorokoraik uza sala-de-aula 16. 

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here