Mediku sira halo hela atendementu Vasina AstraZeneca Covid -19 ba komunidade sira iha Centru Saude Komoro, kuarta 18/11/2021 Imajen Tatoli/Antonio Goncalves

DILI, 21 novembru   2021 (TATOLI)—Sala Situasaun, Sentru Integradu Jestaun Krize (CIGC, sigla Portugés) relata, ohin, kazu detetadu foun na’in-ida, rekuperadu na’in-rua no kazu ativu na’in-sia.

Notísia Relevante: COVID-19: kazu detetadu pozitivu rua no ativu ualu

”Kazu ohin ativu sia, rekoperadu rua no hahú 21 marsu 2020 to’o 21 novembru 2021 ne’e iha kumulativu kazu konfirmadu 19.819 no óbitu zero,” Adjunta Koordenadora Forsa-Tarefa ba Prevensaun no Mitigasaun, Odete da Silva Viegas, hateten liuhosi nota ne’ebé Agência TATOLI asesu, domingu ne’e.

Hosi horisehik mai ohin, Laboratóriu Nasionál Saúde halo teste PCR  33, kompostu hosi vijilánsia sentinela laiha, rastreiu ba kontaku laiha, rastreiu aleatóriu lima, viájen internasionál na’in-19, follow up iha kuarentena nain-sia.

Aleinde ne’e, totál teste PCR ne’ebé halo iha 21 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 48, hanesan Baucau rua, Ermera laiha, Maliana laiha, Maubisse rua, RAEOA laiha, Suai laiha, Viqueque laiha, HNGV  42, Lautém ua, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 1 novembru, tuir sistema informasaun Saúde iha Ministériu Saúde, hanesan kumulativu 1ª doze iha Dili (85,6%) no kumulativu 2ª doze iha Dili (85,6%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 79,3% no simu ona doze daruak 55,1%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.

Iha loron 18 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu laiha,  moderadu laiha no kaman laiha.

Jornalista : Natalino Costa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here