DILI, 19 novembru 2021 (TATOLI)-Administrasaun Aéroportu no Navegasaun Áerea Timor-Leste (ANATL, Ep) halo simulasaun ahi-han aviaun iha aeroportu internasionál, Nicolau Lobato, Dili, kinta ne’e.

Aviaun ne’ebé uza hodi halo simulasaun mak aviaun Coemera 01, Tipu airbus 320 serib200 filgth Vou SGP-Dili, ho pasajeirus na’in 60 inklui ekipa bordu aviaun na’in ualu.

Kronolojia husi simulasaun ne’e mak akontese ahi-su’ar iha aviaun nia liras karuk, tama besik iha Alor leten, alerta ahi-lakan makaas parte makina liman karuk, entre Alor ho Dili enfrenta situasaun emerjénsia totál, ahi-han makina tomak, to’o iha Tibar.

Nune’e, husi tore alerta ona mai graun, prepara sukoru, iha pista rohan, hafoin liu iha Tibar Pilotu alerta Mayday ba tore, liu minute balu aviaun monu iha pista rohan, aeroportu Internasionál Nicolau lobatu Dili no atende kedas husi bombeiros, primeiru sukoru no ambulánsia.

Simulasaun ne’ebé akontese iha aeroportu Internasionál Nicolão Lobato Dili, ne’e hala’o husi ANATL. Ep, nu’udar ezersísiu ho eskalaun-bo’ot kona-ba oinsá atu halo asisténsia emerjénsia iha situasaun grave hodi nune’e bele iha preparasaun atu atende uainhira hetan akontesimentu áereo grave ruma.

Produsaun Tatoli I.P ©2021

PUBLISIDADEiklan

HAKEREK NO HATÁN

Please enter your comment!
Please enter your name here