Médiku sira halo hela atendementu vasina AstraZeneca Covid-19 ba komunidade sira iha Centru Saúde Comoro, kuarta 18/11/2021 Imajen Tatoli/Antonio Goncalves

DILI, 18 novembru   2021 (TATOLI)—Sala Situasaun, Sentru Integradu Jestaun Krize (CIGC, sigla Portugés) relata, ohin, kazu detetadu foun na’in-ida, rekuperadu na’in-ida no kazu ativu na’in-neen.

”Kazu detetadu foun ohin na’in-ida,” Adjunta Koordenadora Forsa-Tarefa ba Prevensaun no Mitigasaun, Odete da Silva Viegas, hateten liuhosi nota ne’ebé Agência TATOLI asesu, sesta ne’e.

Nune’e, hahú 21 marsu 2020 to’o 16 novembru 2021 iha kumulativu kazu konfirmadu 19.814 no óbitu zero

Hosi horisehik mai ohin, Laboratóriu Nasionál Saúde halo teste PCR 120, kompostu vijilánsia sentinela rua, rastreiu ba kontaku 12, rastreiu aleatóriu 27, viájen internasionál na’in-64, follow up iha kuarentena 15.

Alende ne’e, totál teste PCR ne’ebé halo iha 18 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 168, hanesan Baucau 44, Ermera laiha,Maliana ualu , Maubise rua ,RAEOA laiha, Suai laiha.  Viqueque laiha, RAEOA laiha, HNGV 109, Lautém laiha, Vera Cruz rua.

Populasaun elijível tinan 18 ba leten, ne’ebé simu ona vasina to’o iha loron 18 novembru, tuir sistema informasaun Saúde iha Ministériu Saúde, hanesan kumulativu 1ª doze iha Dili 85,1% no kumulativu 2ª doze iha Dili 75,1%.

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 78,6% no simu ona doze daruak 53,9%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.

Iha loron 18 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu  na’in-neen, moderadu laiha no kaman neen.

Notísia relevante: COVID-19: pozitivu ida no rekuperadu tolu

Jornalista : Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here