Prezidente Autoridade Munisípiu (PAM) Baucau, Olívio 'Bou-Lesa' Freitas. Imajen Tatoli /Natalino Belo.

BAUCAU, 17 novembru 2021 (TATOLI) – Preparasaun 28 Novembru iha Baucau daudaun ne’e atinje 65% ne’ebé sei realiza iha aldeia Darsula, suku Gariuai, postu administrativu Baucau vila.

Prezidente Autoridade Munisípiu (PAM) Baucau, Olívio ‘Bou-Lesa’ Freitas, hateten, hosi 65% fatin selebrasaun 28 Novembru hela de’it 35% hanesan hein instala produtu ba stand no ekipamentu jogu.

“Komisaun organizadora hadi’a ona hanesan ateru fatin, harii ona riin bandeira, eletrisidade, kanaliza bee-mos hotu ona, agora sei hein ministériu idak-idak mai tau (stand) fatin jogu ho feira nian, kada ministériu aseita monta sira-nia stand. Ha’u bele dehan 65% perparadu ona,” PAM Olívio Freitas hateten iha ninia knar fatin, kuarta ne’e.

Bou Lesa akresenta, loron 28 Novembru importante ba timór-oan tomak espesial ba Baucau-oan sira nune’e konvida sidadaun hotuhotu bele hola parte iha serimónia hasa’e bandeira ne’ebé destinada ona iha área aldeia Darsula.

Bainaka importante sira komposta hosi Prezidenti Repúblika Francisco Guterres ‘Lú Olo’, Prezidente Parlamentu Nasionál, Deputadu Aniceto Longuinhos Guterres Lopes, Primeiru Ministru Taur Matan Ruak, Prezidente Tribunal Rekursu Deolindo dos Santos, korpu diplomátika sira, veteranu no veterana sira, autoridade lokal no komunidade  munisípiu 12 inklui Rejiaun Administrativa Espesiál Oé-Cusse Ambeno (RAEOA).

Totál orsamentu ne’ebé prevee ba loron 28 Novembru ba dala-46 hamutuk $400.000 no aloka ba sub-komisaun organizadora Baucau hamutuk $71.000.

Tuir observasaun Agência TATOLI, ekipa komisaun organizadora antes ne’e hahú prepara treinu korpu Bandeira RDTL, abertura jogu komunitária, ateru kampu, estrada diresaun Darsula ba Ossoáriu, Fatumaka.

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here