Diretor Ezekutivu Asosiasaun Halibur Difisiensia Matan iha TL (AHDMTL), Gaspar Afonso. Imajen Tatoli/Francisco Sony

COVALIMA, 17 novembru 2021 (TATOLI)—Diretór Ezekutivu Asosiasaun Halibur Defisiénsia Matan Timor-Leste (AHDMTL), Gaspar Afonso informa, ema ho difisiénsia (EhD) iha Timor-Leste menu asesu ba edukasaun inkluzivu.

“Ami-nia obsevasaun ema ho difisénsia ne’ebè partisipa iha edukasaun inkluzivu mínimu tebes kompara ho ema kondisaun normal,” Gaspar Afonso hateten ba jornalista sira bainhara hala’o enkontru ho autoridade lokál, iha salaun Edukasaun Covalima, kuarta ne’e. 

Ema ho defisiénsia iha Timor-Leste hamutuk 38,118 no hosi númeru ne’e 1% mós la to’o ema difisiénsia hodi asesu ba edukasaun inkluzivu, tanba ema 25,789 mak la asesu edukasaun ka an-alfabetu.

Tanba ne’e, nia dehan, AHDMTL sei halo auditoria sosiál hodi haree kona-ba asuntu refere no husu ba autoridade lokál no profesór sira iha sala-de-aula, atende ema ho difisiénsia bainhira hasoru dezafiu no difikuldade hanesan baze fundamentu AHDMTL atu halo advokasia iha nasionàl 

Nia husu ba autoridade lokál no entidade sira iha Covalima, atu tau planu inkluzivu no orsamentu sensível ba jéneru atu fó oportunidade ba ema hotu inklui mós ema ho difisiénsia atu partisipa dezenvolvimentu iha munisípiu Covalima. 

“Ita ko’alia populasaun, sosiedade no komunidade, ema ho difisiénsia mós hola parte. Entaun autoridade no funsionáriu ne’ebè mak reprezenta kada ministériu destaka iha Covalima tenke tau planu ne’ebè mak adekuadu ba ema hotu iha Covalima,” nia dehan. 

Dadus ema difisiensia iha Timor Leste hamutuk 38.118 no hosi númeru ne’e ema defisiénsia matan 14.828, ema difisiénsia tilun 12.000-resin, ema ho difisiénsia mobilidade ka motora 7000-resin, no ema difisiénsia psikolojia no intelektuál hamutuk 3000-resin.

Jornalsita : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here