Atleta Federasaun Sky Timor-Leste, Yohan Goutt Goncalves, foto hamutuk ho nia adversáriu sira iha kompetisaun sky internasionál iha Dubai- Emiradu Árabe Unidu. Imajen/ FSTL.

DILI, 17 novembru 2021 (TATOLI)– Atleta timoroan hosi Federasaun Sky Timor-Leste, Yohan Goutt Goncalves, partisipa eventu Sky internasionál iha Dubai-Emiradu Árabe Unidu.

“Hahú ohin, kuarta 17-18 Novembru 2021, ita nia atleta Yohan Goutt Goncalves, sei luta iha kompetisaun kurida sky internasional ne’ebé hala’o iha kapitál Dubai -Emiradu Árabe Unidu,” Sekretáriu Jerál Federasaun Sky Timor-Leste, Luis de Sousa Sequeira, hateten liuhosi nota ne’ebé Agência TATOLI asesu, kuarta ne’e.

Atleta timoroan ne’e hetan ona pontu ne’ebé di’ak, no sei tuir tan eventu ohin (17/11) no aban (18/11) atubele aumenta pontu haat tan hodi iha direitu absoluta partisipa jogu Olympic ne’ebé sei realiza iha Beijing-Xina tinan 2022.

Eventu ne’e sei partisipa atleta hamutuk 28 hosi nasaun 18 hanesan, Emiradu Árabe Unidu, Portugál, Xina Taipe, Gaña, Bosnia, Morocco, Albania no seluk tan.

Durante loron rua nia laran atleta hirak ne’e sei luta hodi hetan pontu másimu atu utrapasa ba kualifikasaun ba jogu olimpiku malirin ne’ebé sei hala’o iha Beijing-Xina hosi loron 4 to’o 20 fevereiru 2022.

Atleta Federasaun Sky Timor-Leste, Yohan Goutt Goncalves. Imajen/ FSTL.

Nune’e, Atleta Sky timoroan,Yohan Goutt Goncalves:“Kompetisaun ne’e hanesan mehi boot ida no sai hanesan esperénsia furak iha atubele mai Dubai no halo kurida hamutuk ho atleta seluk. Espera ha’u bele hetan pontu ne’ebé ha’u presiza atinje atu bele lori Bandeira Timor-Leste iha jogu olímpiku ne’e,” Atleta espera.

Atleta Yohan mós hetan konvite hosi Federasaun Sky Emiradu Árabe Unidu atubele partisipa iha kampionatu lokál kurida Sky ne’ebé sei hala’o iha, sesta 19 to’o 20 novembru 2021.

FSTL hamutuk ho atleta timoroan no ekipa tomak orgullu tebes no hakarak anúnsiu Timor-Leste sei halo istoria foun hanesan primeiru nasaun iha mundu ne’ebé hala’o eventu kurida Federation International of Sky (FIS) alpine iha Dubai.

Ekipa ne’ebé hamutuk ho atleta timoroan ne’e kompostu hosi treinadór hosi nasaun Paris no estrutura-sira hosi FSTL.

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here