PA RAEOA Arsénio Paixão Bano, hatuur fatuk dahuluk atu konstrui edifísiu própriu Terra Propriedade. Imajen Tatoli/Abílio Elo Nini

OÉ-CUSSE, 16 novembru 2021 (TATOLI) — Prezidente Autoridade Rejiaun Administrativa Espesiál Oé-Cusse Ambeno (RAEOA), Arsénio Paixão Bano, tersa ne’e hatuur fatuk dahuluk konstrui moru ba Diresaun Rejionál Terra Propriedade (DRTP).

Projetu konstrusaun ne’e sei harii, moru ba edifisíu haleu DRTP ho distánsia kuaze metru 131, kontrusaun ba paviamentu, postu ba seguransa, sala arkivu inklui instalasaun bee-moos. Projetu ne’e ezekuta hosi empreza Fitun Naubabas Unipesoál Lda, ho valór kontratu $109,092.69, ne’ebé aloka hosi Orsamentu Jerál Estadu (OJE) 2021.

“Projetu ne’e aumenta importante aumenta fasilidade ba servisu Terra Propriedade, liuliu ba sala arkivu no fatin ida di’akliu ba funsionáriu sira hotu iha diresaun ne’e atubele halo serbisu di’akliu, tanba ba oin ne’e, serbisu iha parte terra sei barak liután,” Prezidente Autoridade RAEOA, Arsénio Paixão Bano, ko’alia iha serimónia hatuur fatuk dahuluk ne’e.

Nia fó sai katak, servisu Terra Propriedade sei aumenta tanba ba oin presiza reafirma iha liña fronteira, presiza halo kontrolu ba iha plaka sira iha área remota, entaun serbisu sei la konsentra de’it iha vila, maibé sei kobre hotu sub-rejiaun haat iha terirtóriu Oé-Cusse.

“Ha’u husu ba empreza ho Sekretáriu Rejionál Asuntu Terra Propriedade hamutuk ho xefe departamentu no diretór hamutuk ho tékniku sira, akompaña projetu ne’e, la’o di’ak ho kualidade no lalais, tanba tinan ne’e projetu barak iha O’e-Cusse,” autoridade ne’e fó hanoin.

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here