Jogadora Indonézia nain-rua ne’ebé konfirmadu ona atu joga iha Maudoko FC iha tasa Rosa "Muki" Bonaparte epoka ne’e. imajen/ espesiál.

DILI, 15 novembru 2021 (TATOLI) – Na’in ba Klube Maudoko FC, Taquino Soares, informa, ko’alia ona ho klube famozu femenina Arema FC hosi Indonézia atu impresta jogadora na’in rua hodi reforsa Maudoko FC iha kopa Rosa ‘Muki’ Bonaparte ne’ebé abertura hahú aban (16/11).

“Ita halo kontaktu ona atu impresta jogadór na’in rua hosi Indonézia atu mai reforsa Maudoko, bainhira joga hotu-sira sei filafali,” Na’in ba klube ne’e, hateten ba Agencia TATOLI iha nia rezidénsia Delta-Dili, segunda ne’e.

Jogadora na’in rua hanesan, Anisya Widyawati no Ariska Kusumaningtyas ne’ebé tempu besik too iha Timor-Leste.

Biodata badak jogadora na’in-rua

Ariska Kusumaningtyas moris iha Indonézia 26 janeiru 1995, klube ne’ebé antes ne’e jogadóra ne’e joga ba mak hanesan Putri kota kediri 2012 to’o 2017, Putri kab kediri 2017 to’o 2018, Kebumen futsal Anggel 2017, Kwb Putri Kota Batu 2019 no Arema FC Women 2019 to’o ohin loron atu muda provizóriu mai Maudoko.

Enkuantu, Anisya Widyawati moris iha Indonézia 21 marsu 1999. Klube ne’ebé antes ne’e nia joga, hanesan, Banteng Muda putri 2010-2018, selesaun nasionál Indonézia ba kualifikasaun joga hasoru Myanmar iha 2019.

Iha tinan 2019 to’o 2020 joga iha klube Putri Musi Rawas, 2019 joga iha Kwb Putri Kota Batu 2019 no iha 2020 to’o agora joga iha Arema FC Women to’o ohin loron.

Performe ne’ebé jogadóra ne’e halo bainhira joga iha klube Arema, ho nia  jogu individu sai “Best Player Linus Bali” 2018, “Best Player Turnamen Valentine cup 2021, no sai mellor markadóra Sriwijaya Women open 2021.

“Ho esperiensia kona-ba jogadóra na’in rua ne’e fó konfiansa ba Maudoko FC atu lori mai Timor-Leste hodi joga hamutuk ho jogadóra lokal-sira iha Maudoko nune’e hanesan meiu ida atu jogadóra-sira bele manán esperensia hosi jogadóra estranjeiru rua ne’e,” nia akresenta

Jogadora Ariska Kusumaningtyas sei joga iha pozisaun médiu defensivu no Anisya Widyawati sei joga iha avansadu ho númeru kamizola ne’ebe seidauk termina.

Tuir oráriu ba kopa Rosa ‘Muki’ Bonaparte hala’o abertura iha 16 novembru 2021 iha kampu FFTL no sei loke direita hosi ekipa rua hanesan, Buibere FC kontra VDL FC.

Nune’e, iha 17 novembru, Maudoko FC sei kontra S’Amuser FC.   Iha 23 novemnru, AD SLB kontra Academica FC no ASS Baucau kontra Maranatha FC iha 24 novembru 2021.

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here