Ministru Administrasaun Estatál, Miguel Pereira de Carvalho. Imajen TATOLI/Egas Cristovão

DILI, 11 novembru 2021 (TATOLI)—Autoridade no administrasaun munisipál prevee iha Orsamentu Jerál Estadu (OJE) 2022 hamutuk tokon $50.6, hodi prioritiza programa hamutuk 11. 

“Tinan oin autoridade munisipál hotu inklui munisípiu foun Ataúro iha programa 11 mak hanesan estrada no ponte, dezenvolvimentu rurál no urbanu, seguransa nasionál, asesu justisa, boa governasaun no jestaun instituisional, agrikultura, água no saneamentu, saúde, edukasaun no formasaun, igualidade jéneru no inkluzaun no turizmu,” Ministru Administrasaun Estatál (MAE), Miguel Pereria de Carvalho, hateten bainhira halo audiénsia públika ho komisaun  C Parlamentu Nasionál, iha Parlamentu Nasionál, kinta ne’e.

Governante ne’e hateten, iha autoridade munisípiu balun mak iha de’it programa hitu (7) ka ualu (8).

Iha audénsia MAE relata progressu ezekusaun OJE 2021 hosi administrasaun munisipál ne’ebé atinje ona 72%.

Tuir dokumentu livru 3 B munisípiu OJE 2022, polítika VIII Governu konstituisional aloka orsamentu propriu ba autoridade no administrasaun munisipál iha tinan 2022 hamutuk millaun $50.6 ne’ebé kompostu husi saláriu vensimentu millaun $17.9, bens servisu millaun $11.6 transferénsia públika millaun $15.7, kapitál minór rihun $734.7 no kapitál dezenvolvimentu millaun $4.6.

Totál despeza propriu hirak ne’e inklui ona orsamentu ba programa PDIM reapropriasaun husi 2021. Desagregasaun despeza sei justifika tuir pajina orsamentu autoridade no administrasaun munisipal ida-idak.

Munisípiu Dili aloka $7,684,680, Ermera $4,287,418, Aileu $2,811,963, Ainaro $3,051,446, Covalima $3,766,640, Lautém $3,821,889, Liquiça $2,988,710, Manufahi $3,453,388, Manatuto $3,628,011, Viqueque $3,697,785, Ataúro $2,508,100, Bobonaro $4,426,163 no Baucau $4,538,264.

Aliénde despeza ba Autoridade no Administrasaun munisipál, hetan mós alokasaun orsamentu husi nivél nasional ne’ebé sei implementa no fó benefisiu direita ba munisipiu hanesan programa prioridade ba munisípiu hamutuk millaun $78.6, aloka ba PDIM millaun $6.3, PNDS millaun $8.2, UKL tokon $12.8, PMOHA rihun $125,000 no projetu husi Governu sentral hamutuk $51.2.

Orsamentu ne’ebé nia trajetu implementasaun monu ba iha responsabilidade munisípiu, tantu implementasaun direta iha nivél munisípiu nomós implementasaun husi nivél nasionál.

Programa Dezenvolvimentu Integradu Munisipal (PDIM) hetan alokasaun hamutuk millaun $6.3 ba projetu 120, projetu 54 aloka direta ba autoridade no administrasaun ho montante millaun $4.8 ne’ebé kompostu husi projetu reapropriasaun 52 no projetu foun rua pur-enkuantu projetu 66 ho montante tokon $1.5 sei kontinua aloka iha Ajénsia Dezenvolvimentu Nasionál hodi kontinua fó asisténsia.

Programa PNDS konsidera nu’udar programa regulár ne’ebé ninia implementasaun iha nivél suku, 2022 programa ne’e hetan alokasaun orsamentu hamutuk tokon $8.2, husi totál ne’e aloka ba atividade fíziku hamutuk tokon $7.0 no atividade operasionál tokon $1.5 ba suku 207.

Programa Uma Kbit Laek (UKL) konsidera nu’udar programa ida-ne’ebé ninia orientasaun atu kria kondisaun komunidade kbiit laek sira iha nivél aldeia. Tinan 2022, programa ne’e hetan alokasaun orsamentu hamutuk tokon $12.8 no husi totál ne’e aloka ba atividade fíziku hamutuk tokon $12.3 no atividade operasional ba suku 241.

Programa Movimentu Hakbiit Aldeia (PMOHA) konsidera nu’udar programa báziku ida hodi dezenvolve kapasidade no hakbiit komunidade aldeia. Iha 2022, programa ne’e hetan alokasaun hamutuk rihun $150 ba munisípiu Ainaro, Baucau, Bobonaro, Ermera no Dili.

Munisípiu kontinua hetan kontribuisaun indireta husi orsamentu kapitál dezenvolvimentu alokadu iha nivél nasional, maibé ninia implementasaun nafatin konstrui iha munisípiu  hotu-hotu hamutuk tokon $51.2 hodi atende  projeitu 412.

Despeza propriu munisípiu  

Despeza propriu ne’ebé Governu aloka ba munisípiu sira iha tinan 2022 hamutuk tokon $50.6 sei kontribui ba atividade pagamentu saláriu funsionáriu, merenda eskolár, servisu saúde, saneamentu, kontrusaun projetu PDIM, kustu administrasaun autoridade lokál no seluk-seluk tan inklui despeza operasionál.

Despeza programa prioridade munisípiu ne’ebé implementa iha munisípiu hodi benefísiu direta ba komunidade kompostu husi Programa Dezenvolvimentu Integradu Munisipál (PDIM), Programa Nasionál Dezenvolvimentu Suku (PNDS), Uma Kbiit Laek (UKL) no Programa Movimentu Hafoun Aldeia (PMOHA).

Fonte seluk ne’ebé konsidera indireta hodi kontribui ba beins-estár sosiál no protesaun komunidade hodi dudu kresimentu ekonomia populasaun moris diak tuir objetivu polítika ne’ebé iha.

Despeza jerál administrasaun munisipál ba kada munisípiu hosi Aileu

Administrasaun munisipál Aileu iha 2022 hetan alokasaun orsamentu hamutuk tokon $2.8 hodi  aloka tuir liña orsamentu servisu sektorál no sekretariadu munisipál nian, ne’ebé akumuladu ona kustu ba merenda eskolár, alfabetizasaun, konsensaun  eskolár rihun $937.1, no ba projetu reapropriasaun PDIM rihun $473.5.

Aileu hetan alokasaun orsamentu husi programa PNDS hamutuk rihun $532 atu finansia ba atividade fíziku hamutuk rihun $458.2 ba suku 15 no restu rihun $73.8 ba kustu operasionál.

Ba programa UKL hamutuk rihun $848 iha OE 2022, hodi aloka rihun $816, ba konstrusaun uma ba komunidade kbiit laek iha suku 16 no kustu operasional rihun $32 sei aloka iha munisipál Aileu.

Aileu, tinan oin seida’uk hetan alokasaun programa PMOHA no PDIM iha OJE 2022 hetan alokasaun rihun $473.5 ba projetu reapropriasaun hitu hanesan konstrusaun edifísiu PA Aileu,  konstrusaun postu saúde Fatubasa, kontrusaun edifísiu Lequidoe, reabilitasaun, irrigasaun lagoa seloi kraik, inklui kostrusaun barreira  protesaun iha gabiaun no sira seluk.

Administrasaun munisipál Ainaro

Administrasaun munisipál Ainaro hetan alokasaun despeza husi OJE  2022 hamutuk tokon $3.1 hodi aloka tuir liña orsamentu servisu sektoral no sekretariadu munisipál nian akumuladu ona kustu ba merenda eskolár, alfabetizasaun, konsensaun eskolár rihun $920.4, no ba projetu reapropriasaun PDIM rihun $284.9.

Husi programa PNDS hetan rihun $388.2 finansia ba atividade fíziku hamutuk $336.9 ba suku sia no resta rihun $51 ba kustu operasionál.

Ainaro hetan alokasaun orsamentu husi programa UKL hamutuk rihun $636.0 atu finansia ba atividade fíziku ba suku 12, ne’ebé mak fahe iha tipu kustu rua hanesan ba operasionál rihun $24, kustu fíziku rihun $612.

Programa PMOHA Ainaro hetan alokasaun rihun $25,000 hodi dezenvolve atividade aldeia Ria-Leko, suku Maubesse Vila.

PDIM Ainaro hetan alokasaun orsamentu rihun $534.6, ba projetu 11 hodi kontinua implementa projetu reapropriasaun husi 2021 hanesan konstrusaun postu saúde no uma  médiku iha suku Manutasi,  konstrusaun eskola sekundáriu Tékniku (EST) Ainaro (CA + CB), konstrusaun ESTV Beremoli Maubisse – Ainaro (CA + CB) no sira seluk.

Administrasaun munisipál Baucau

Autoridade munisipál Baucau hetan alokasaun husi OJE 2022 tokon $4.5 aloka servisu sektoral no sekretariadu munisipál nian, akumuladu ona kustu ba merenda eskolár, alfabetizasaun, konsensaun eskolár tokon $1.6 no ba projetu reapropriasaun PDIM rihun $392.9.

Baucau hetan alokasaun hosi programa PNDS tokon $1,1 atu finansia ba atividade fíziku hamutuk rihun $900.6 ba suku 25 no resta rihun $140.3 ba kustu operasional.

Hetan mós alokasaun orsamentu husi programa UKL hamutuk tokon $1.8 atu finansia ba atividade fíziku hamutuk tokon $1.734 ba suku 34 no despeza operasionál rihun $68 sei gastu iha munisipál Baucau.

Programa PMOHA Baucau hetan alokasaun hetan alokasaun rihun $25, hodi halo dezenvolvimentu iha aldeia Samalari.

No programa PDIM hetan alokasaun rihun $408.8 hodi kontinua implementa projetu reapropriasaun walu.

Administrasaun munisipál Bobonaro

Autoridade munisipál Bobonaro hetan despeza husi OJE  2022 hamutuk tokon $4.4, aloka tuir liña orsamentu servisu sektoral no sekretariadu autoridade munisipál nian, akumuladu ona kustu ba merenda eskolár, alfabetizasaun, konsensaun eskolár tokon $1.6 no ba projetu reapropriasaun PDIM rihun $329.1.

Programa PNDS Bobonaro hetan alokasaun rihun $748,2, finansia atividade fíziku rihun $649,2 ba suku 18 no resta rihun $99, ba kustu operasionál.

Hetan alokasaun husi Programa UKL tokon $1.69, finansia atividade fíziku tokon $1.6 ba suku 32 no finansia ba kustu operasionál rihun $64.

Programa PMOHA hetan alokasaun rihun $25.000 hodi halo dezenvolvimentu iha aldeia Malilait.

Programa PDIM hetan alokasaun rihun $571.2 hodi kontinua implementa projetu reapropriasaun 14.

Administrasaun munisipál Covalima

Administrasaun munisipál Covalima hetan despeza husi OJE  2022 hamutuk tokon $3.8, aloka tuir liña orsamentu servisu sektoral no sekretariadu administrasaun munisipál nian akumuladu ona kustu ba merenda eskolár, alfabitizasaun, konsesaun eskolár $948.7, no ba projetu reapropriasaun PDIM rihun $353.6.

Covalima hetan alokasaun husi programa PNDS rihun $460 atu finansia atividade fíziku rihun $397.8 ba suku 12 no resta rihun $62, ba kustu operasional.

Alokasaun husi programa UKL rihun $954.0 hodi finansia aktividade fíziku rihun $918.0 ba suku 18 no despeza operasional rihun $36.

Ba programa PMOHA iha 2022 seidauk hetan alokasaun  no ba iha PDIM hetan alokasaun orsamentu rihun $353,6,  husi totál ne’e, rihun $424.4 finansia ba projetu reapropriasaun neen.

Administrasaun munisipál Dili

Autoridade munisipál Dili hetan alokasaun OJE 2022 tokon $7.6 ne’ebé aloka tuir liña orsamentu servisu sektoral no sekretariadu autoridade munisipál nian akumuladu ona kustu ba merenda eskolár, alfabitizasaun, konsesaun eskolár tokon $2.1 no ba projetu reapropriasaun PDIM rihun $521.9.

Hetan alokasaun orsamentu husi programa PNDS hamutuk rihun $808, finansia atividade fiziku hamutuk rihun $681, ba suku 25 no resta rihun $127.5 ba kustuu operasional.

Dili hetan alokasaun orsamentu husi Programa UKL hamutuk rihun $106, atu finansia aktividade fíziku hamutuk rihun $102,000 ba suku rua no despeza operasional rihun $4.

Progama PMOHA Dili iha OJE 2022 hetan alokasaun rihun $25 hodi halo dezenvolvimentu iha aldeia Sabuli no ba PDIM hetan alokasaun rihun $654.1. ba projetu reapropriasaun 15.

Administrasaun munisipál Ermera

Autoridade munisipál Ermera hetan alokasaun OJE 2022 hamutuk tokon $4.2. ne’ebé aloka tuir liña orsamentu servisu sektoral no sekretariadu autoridade munisipál nian akumuladu ona kustu ba merenda eskolár, alfabitizasaun, konsensaun eskolár tokon $1.8 no ba projetu reapropriasaun PDIM rihun $705.4.

Ermera hetan alokasaun husi Programa PNDS hamutuk rihun $ 984.6. atu finansia ba atividade fíziku rihun $841.3, ba suku 23 no resta rihun $143.2 ba kustu operasional.

Programa UKL alokasaun tokon $1.9 atu finansia ba atividade fíziku hamutuk tokon $1.9 ba suku 37, operasional rihun $56.

Programa PMOHA hetan alokasaun orsamentu rihun $25 hodi halo dezenvolvimentu iha aldeia HI.

Hetan alokasaun OJE ba programa PDIM hamutuk rihun $787.3 ba projetu reapropriasaun 10.

Administrasaun munisipál Lautém

Administrasaun munisipál Lautém hetan alokasaun despeza husi OJE  2022 hamutuk tokon $3.8,  aloka tuir liña orsamentu servisu sektoral no sekretariadu administrasaun munisipál nian akumuladu kustu ba merenda eskolár, alfabitizasaun,  konsensaun eskolár tokon $1.2 no ba projetu reapropriasaun PDIM rihun $408.5.

Programa PNDS hamutuk rihun $786.2 atu finansia ba atividade fíziku rihun $671.2, ba suku 20 no resta rihun $115  ba kustu operasional.

Ba orsamentu husi programa UKL rihun $742 atu finansia ba atividade fíziku rihun $714 ba suku 14 no operasionál rihun $28.

Programa PMOHA seidauk hetan alokasaun iha períodu tinan 2022 no ba programa PDIM administrasaun Lauten hetan alokasaun rihun $424.4 ba projetu reapropriasaun tolu no foun ida.

Administrasaun munisipál Liquiça

Administrasaun munisipál Liquiça hetan alokasaun despeza husi OJE  2022 hamutuk tokon $2.9, aloka tuir liña orsamentu servisu sektoral no sekretariadu administrasaun munisipál nian akumuladu ona kustu ba merenda eskolár, alfabitizasaun, konsensaun eskolár tokon $1.0 no ba projetu reapropriasaun PDIM rihun $270.1.

Liquiça hetan alokasaun orsamentu husi Programa PNDS hamutuk rihun $457.8 atu finansia ba atividade fiziku hamutuk rihun $391.3 ba suku 12 no resta rihun $66, ba kustu operasionál.

Programa UKL rihun $583 atu finansia ba atividade fiziku hamutuk rihun $ 561, ba suku 23 no operasionál rihun $22.

Programa PMOHA seidauk hetan alokasaun no PDIM hetan alokasaun rihun $319.6 hodi kontinua implementa projetu reapropriasaun neen.

Administrasaun munisipál Manatuto

Administrasaun munisipál Manatuto hetan alokasaun despeza husi OJE  2022 tokon $3.6, aloka tuir liña orsamentu servisu sektoral no sekretariadu administrasaun munisipál nian akumuladu ona kustu ba merenda eskolár, alfabitizasaun, konsensaun eskolár tokon $1.0 no ba projetu reapropriasaun PDIM rihun $306.1.

Manatuto hetan alokasaun orsamentu husi programa PNDS hamutuk rihun $376.8, ne’ebé atu finansia atividade fíziku hamutuk rihun $321.8, ba suku 10 no resta rihun $55 ba kustu operasional.

Husi programa UKL hamutuk tokon $1.0 atu finansia atividade fíziku hamutuk tokon $1.0 ba suku 20 no operasional rihun $40.

Programa Programa Movimentu Hafoun Aldeia (PMOHA) seida’uk hetan alokasaun orsamentu iha períodu tinan 2022 no PDIM iha rihun $677 ba projetu reapropriasaun 16.

Administrasaun munisipál Manufahi

Administrasaun munisipál Manufahi hetan alokasaun depeza hamutuk tokon $3.4 husi OJE 2022, aloka tuir liña orsamentu servisu sektoral no sekretariadu administrasaun munisipál nian akumuladu ona kustu ba merenda eskolár, alfabitizasaun, konsensaun eskolár tokon $1.0 no ba projetu reapropriasaun PDIM rihun $323.6.

Programa PNDS hetan alokasaun hamutuk rihun $490 atu finansia ba atividade fíziku hamutuk rihun $418.8 ba suku 11 no resta rihun $71 ba kustu operasional.

Programa UKL hetan alokasaun orsamentu rihun $954 atu finansia ba atividade fíziku hamutuk rihun $918, ba suku 18 no operasionál rihun $36.

Programa PDIM seidauk hetan alokasaun orsamentu no programa PDIM hetan alokasaun hamutuk rihun $642.2 hodi kontinua implementaa projetu reapropriasaun 19.

Enkuatu Rejiaun Administrativa Espesial Oé-Cusse Ambeno hetan alokasaun orsamentu husi Programa PNDS hamutuk rihun $295.6 atu finansia ba aktividade fíziku hamutuk rihun $253.3 ba suku hitu no resta rihun $42 ba kustu operasional.

Administrasaun munisipál Viqueque

Administrasaun munisipál Viqueque hetan alokasaun despezashamutuk tokon $3.6 husi OJE 2022 hodi aloka tuir liña orsamentu servisu sektoral no sekretariadu administrasaun munisipál nian akumuladu kustu ba merenda eskolár, alfabetizasaun, konsensaun eskolár tokon $1.1, no ba projetu reapropriasaun PDIM rihun $258.5.

Programa PNDS hetan alokasaun rihun $547.4 finansia atividade fíziku rihun $467.5 ba suku 14 no resta rihun $79 ba kustu operasional.

Programa UKL hamutuk tokon $1,1 atu finansia ba atividade fíziku hamutuk tokon $1,1 ba suku 22 no despeza operasional rihun $44.000.

Programa PMOHA seida’uk hetan alokasaun no programa PDIM hetan alokasaun despeza rihun $360.4, ba projetu reaproprisaun haat.

Administrasaun munisipál Ataúro

Munisipál Ataúro hetan alokasaun despeza husi OJE 2022 hamutuk tokon $2.5 aloka tuir liña orsamentu servisu sektoral no sekretariadu administrasaun munisipál nian akumuladu kustu ba merenda eskolár, alfabitizasaun, konsensaun eskolár rihun $152, programa turizmu ne’ebé mak aloka rihun $30.

Husi Programa PNDS hamutuk tokon $8,1 finansia ba atividade fiziku hamutuk tokon $7.0 ba suku lima no restamte tokon $1,1 ba kustu operasional.

Programa UKL hamutuk tokon $12.8 atu finansia ba atividades fíziku hamutuk tokon $12.3 ba suku lima no despeza operasional rihun $464,870.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here