iklan

DILI, POLÍTIKA

OJE 2022, CLN prevee millaun $4-resin sosa produtu lokál

OJE 2022, CLN prevee millaun $4-resin sosa produtu lokál

Prezidente CLN, Gervásio Cardoso de Jesus da Silva. Imajen TATOLI/Florêncio Miranda Ximenes

DILI, 11 novembru 2021 (TATOLI)—Sentru Lojístika Nasionál (CLN, siglá portugés) prevee millaun $4-resin iha proposta Orsamentu Jerál Estadu (OJE) 2022 atu sosa produtu lokál.

“Orsamentu ne’e hodi sosa produtu lokál hanesan foos, batar, foremungu, koto no seluk tán,” Prezidente CLN, Gervásio Cardoso, hateten ba Agência Tatoli hafoin halo audiénsia públika ho komisaun D Parlamentu, iha Parlamentu Nasionál, kinta ne’e.

Tuir dokumentu livru 2 planu anuál OJE 2022, CLN prioritiza programa ho kódiku 983  kona-ba investimentu no diversifikasaun ekonómika ho nia sub-programa melloramentu asesu merkadória nia atividade, abastesimentu no sosa produtu lokál, ho nia indikadór dezenpeñu sosa hare kulit tonelada 10,000  no prosesa, pontu partida tonelada 900, meta 1,500 tonelada, ne’ebé prevee $ 4,165,477 liuhosi verba  bens servisu.

Iha audiénsa públika ne’e, CLN relata komisan D Parlamentu katak ezekusaun OJE 2021 hosi trimestre dahuluk to’o agora ne’e atinje ona 72%.

CLN iha misaun fundamentál fó resposta nesesidade lojístika Estadu, konferidu ho efikásia iha operasaun abastesimentu públiku no sosa produtu lokál, seguransa alimentár, intervensaun integradu Estadu nível regulasaun presu bens esensiál alimentár (Decreto-Lei n.º 26/2014, de 10 de setembro, Artigo 2º).

CLN prevee $6,620,745 hodi aloka ba sálariu vensimentu $153,400, bens servisu $6,091,545,  kapitál menór $375,800, kapitál dezenvolvimentu no transferénsia públika laiha.

Hosi orsamentu ne’e, atu finansia programa rua (2), sub-programa neen (6) no atividade hamutuk 19.

Programa bazea programa

Programa boa-governasaun no jestaun instituisionál sei gasta $1,733,408 no programa investimentu no diversifikasaun ekonómika sei gasta $4,887,337.

Programa investimentu no diversifikasaun ekonómika ho nia sub-programa forsa traballu ba apoiu atividade prestasaun servisu nia atividade saláriu no vensimentu ba apoiu atividade prestasaun servisu.

Sub-programa mellora asesu servisu nia atividade jestaun ekipamentu armazen, reabilitasau armazen no edifísu CLN iha Munisípiu no kria loza ba povu.

Sub-programa mellora asesu merkadu ho nia atividade abastesimentu no sosa produtu lokál, intervensaun no regulasaun presu merkadu, merenda eskolár, umanitáriu no protesaun sivíl, manutensaun no operasionál armazen, fornesimentu óleu veikulu Estadu, sensivilizasaun polítika sosa produtu lokál,

Aleinde iha mós programa boa-governasaun no jestaun instituisionál ho nia sub-programa tolu no atividade sia.

Jornalista : Nelson de Sousa

Editór      : Cancio Ximenes

iklan
iklan

Leave a Reply

iklan
error: Content is protected !!