Estudante Escola Maria Auxiliadora Comoro Dili idade 12-17 forma hodi simu vasina Pfizer hosi pesoál saúde, tersa (09/11). Imajen TATOLI/António Gonçalves

DILI, 11 novembru 2021 (TATOLI)—Komisaun Interministeriál ba Elaborasaun no Koordenasaun Planu Vasinasaun kontra COVID-19 halo aprezentasaun ba Konsellu Ministru (KM) kona-ba pontu situasaun kampaña vasinasaun.

Aprezentasaun ne’e hosi Vise Primeiru-Ministru no Ministra Solidariedade Sosiál no Inkluzaun (MSSI), Armanda Berta dos Santos, hanesan Prezidente Komisaun no Ministra Saúde (MS), Odete Maria Freitas Belo hanesan Vise-Prezidente Komisaun.

“Vasinasaun joven sira ho idade entre tinan 12 to’o 17, hahú ona iha loron 27 outubru to’o horiseik loron 10 novembru, joven sira ne’ebé simu ona vasina doze dahuluk hamutuk na’in-15.002,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu iha Palásiu Governu, kinta ne’e.

Notísia relevante: Progresu vasina Pfizer doze dahuluk atinje ona 8.3%

Kona-ba ema ne’ebé ho idade 18 liu, 76,4% maka simu ona vasina doze dahuluk no 51% maka kompleta ona vasinasaun doze daruak.

Munisípiu tolu ho presentajen vasinasaun boot liu maka munisípiu Covalima (93%), Viqueque (90,7%), no Dili (83,4%).

Enkuantu, munisípiu sira ho persentajen vasinasaun kiik mak Ermera (59,8%), Liquiçá (63,1%) no Bobonaro (63%).

Jornalista : Antónia Gusmão

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here