Diretór Servisu Edukasaun Munisípiu Baucau, Augosto Hornai Ximenes. Imajen TATOLI/Natalino Belo.

BAUCAU, 11 novembru 2021 (TATOLI) – Komisaun sub-organizadora selebrasaun loron proklamasaun independénsia ba-46 iha munisípiu Baucau sei abertura desportu komunitária entre postu admistrativu sira iha loron sesta (12/11) aban.

Vise III Sub-Komisaun Organizadora 28 Novembru atuál Diretór Edukasaun Munisípiu Baucau, Augosto Hornai Ximenes, sei koordena seksaun haat komposta hosi mobilizasaun masa, expozisaun, kulturál no desportu relasiona ho selebrasaun loron 28 novembru ba dala-46 iha munisípiu refere.

Seksaun desportu rasik sei hahú abertura, aban, ne’ebé hetan apoia orsamentu hosi Sekretaria Estadu Juventude no Desportu (SEJD) ho total orsamentu $32.000.

“Komisaun liuhosi enkontru téknika deside ona atu prenxe atividade desportu ho modalidade neen hanesan futeból 11, voleibol, basketból, altletismu, natasaun feto no mane no tenis meza,” Augosto ko’alia iha nia kna’ar-fatin, Vila Nova, kinta ne’e.

Abertura jogu ne’e sei halao hosi Sekretáriu Estadu Juventude no Desportu, Abrão Saldanha ‘Nokosiku’ no ministériu sira seluk iha kampu futeból Triloka.

Kona-ba seksaun expozisaun sei apoia hosi Ministériu Turismu Komérsiu no Industria (MTKI) ne’ebé munisípiu nia papél mak identifika grupu produtivu sira atu partisipa iha expozisaun refere.

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here