Ministru Asuntu Kombatente Libertasaun Nasionál, Júlio Sarmento da Costa "Meta Mali". Imajen/Egas Cristovão.

DILI, 09 novembru 2021 (TATOLI)—Ministériu Asuntu Kombatente Libertasaun Nasionál (MAKLN) prevee $92,659,660 iha Orsamentu Jerál Estadu (OJE) 2022.

“OJE 2022, ministériu prevee millaun $99-resin. Laiha programa foun maibé kontinua ho pensaun ba veteranu, verifikasaun dadus veteranu, kondekorasaun no sira seluk,” Ministru Asuntu Kombatente Libertasaun Nasionál (MAKLN), Julio Sarmento da Costa ‘Meta Malik’, hateten ba jornalista sira hafoin halo audénsia públika ho komisaun F Parlamentu Nasionál, iha Parlamentu Nasionál, tersa ne’e.

Tuir livru planu asaun annual OJE 2022 Ministéiru Asuntu Kombatente Libertasaun Nasionál  (MAKLN) prevee $99,684,114 hodi,aloka ba saláriu vensimentu $731,126,  bens servisu $3,580,128,  kapitál menór $103,200, kapitál dezenovimentu $2,610,000 no transferénsia públika $92,659,660.

Hosi orsamentu ne’e finansia programa rua, sub-programa neen, atividade 11, inklui montante $92,659,660 destina ba pagamentu pensaun ba kombantente libertasaun nasionál ne’ebé rejistadu, enkuantu orsamentu ne’e destina hosi transferénsia públika.

Orsamentu bazea ba programa

Programa boa-governasaun no jestaun instituisional sei gasta $2,438,701 no programa  igualidade jéneru no inkluzasaun sosiál.

Programa boa-governasaun no jestaun instituisionál ho nia sub-programa rua no atividade neen.

Programa igulaidade jéneru no inkluzasaun sosiál ho nia objetivu médiu prazu kombatente no respeita família hodi valoriza no apoia.

Nia sub-programa rekuñesimentu no valorizasaun luta libertasaun nasionál nia atividade rekuiñesimentu no valorizasaun veteranu, kombatente no martír libertasaun nasionál, atividade funsionamentu atividade konsellu kombatente libertasaun nasionál.

Sub-programa protesaun sosiál ba kombatente ho nia atividade mak asegura protesaun sosiál ba kombatente.

Sub-programa Infraestrutura ho nia atividade mak konstrusaun monumentu no semitéiru espesiál ba veteranu, kombatente no martír libertasaun nasionál.

Sub-programa bolsa estudu ho nia atividadade ho nia atividade atribuisaun bolsa estudu ba kombante libertasaun nasionál nia oan.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here