Atividade Petrolífera iha kampu Bayu-undan. Imajen/Conocophillips

DILI, 09 novembru 2021 (TATOLI)–Banco Central de Timor-Leste (BCTL) lansa relatóriu trimestrál Fundu Petrolíferu Timor-Leste ba trimestre ne’ebé termina iha loron 30 setembru 2021, aprezenta montante biliaun $19,17, enkuantu iha trimestre antes ne’e ho montante biliaun $19,49. 

Tuir nota ne’ebé Agência TATOLI asesu iha tersa ne’e, relatóriu ne’e hatudu katak totál reseita ne’ebé simu iha trimestre ne’e hamutuk millaun $123,80, kompostu hosi kontribuisaun kontribuinte ba fundu hamutuk millaun $41,85, pagamentu royalty hosi Autoridade Nasionál Petróleu no Minerál (ANPM) hamutuk millaun $76,13 no anuál pipe line fee hamutuk millaun $5,81.

Rendimentu hosi investimentu fundu hamutuk millaun $6,86, kompostu hosi kupaun no dividendu ne’ebé simu millaun $66,67, mudansa iha valór merkadu millaun -$49,52 no movimentu kambiais millaun $4,83 iha trimestre ne’e.

“Ne’e rezulta rendimentu ba karteira fundu durante trimestre ne’e 0,00%, enkuantu rendimentu sasukat (benchmark) ba períodu ne’e mak 0,05%,” refere nota hosi BCTL.

Notísia relevante: Kapitál fundu petrolíferu Timor-Leste sa’e ba biliaun $19,49

Lei Fundu Petrolíferu espesifika katak Jestór Operasionál BCTL mak hanesan ajente responsável ba jestaun operasionál Fundu Petrolíferu no Ministériu Finansa mak responsabliza atu estabelese estratejia investimentu tomak kona-ba fundu.

BCTL jere ona portofoliu besik liu ho pontu referénsia iha trimestre dala-59 dahuluk, ne’ebé diferénsia entre portofoliu no pontu referénsia iha períodu ne’e, pontu 13 baze 0,13%.

Dezempeñu absoluta retornu fundu, hahú hosi inísiu mak 4,87%, ne’ebé pontu importante hosi relatóriu trimestre ba dala-59, kobre períodu 01 jullu to’o 30 setembru 2021, inklui kapitál fundu biliaun $19,17, ne’ebé osan kontadu brutu fundu nian tama hosi kontribuisaun kontribuinte no royalty hamutuk mak millaun $123,80.

Nune’e, osan kontadu líkidu ne’ebé sai hosi fundu durante trimestre ne’e hamutuk millaun $452,19, kompostu hosi transfere ba Orsamentu Estadu millaun $447,87, kobre kustu jestaun millaun $4,31.

Rendimentu portofoliu instrumentu merkadu finanseiru iha períodu ne’e mak 0,00%, kompara ho rendimentu referénsia 0,05%.

Jornalista : Arminda Fonseca

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here