Veteranu sira, bainhira partisipa loron desmobilizasaun iha komemorasaun loron FALINTIL iha 2011. Foto António Gonçalves

DILI, 09 novembru 2021 (TATOLI)—Governu liuhosi Ministéiru Asuntu Kombatente Libertasaun Nasionál (MAKLN), sei tau matan no fó rekuñesimentu ba vítima funu nian hosi 1974-1999.  

Notísia Relevante: Governu Kongratula Veteranu Sira 

“Polítika hosi Governu liu-liu MAKLN nian atu tau matan ba vítima funu nian hosi 1974 to’o 1999 no oinsá fó rekuiñesimentu ba família vítima sira (ezemplu aman mate ba funu sira seluk tan), mak prosesu verifikasaun la’o hela hodi identifika, ema ne’e kombatente duni ka lae mak sei fó rekuñesimentu,” Ministru Asuuntu Kombatente Libertasaun Nasionál, Julio Sarmento da Costa ‘Meta Malik’, hateten ba Agência Tatoli iha ámbitu komemorasaun Loron Nasionál Juventude no Masakre 12 Novembru ba dala-XXX, iha Parlamentu Nasionál, tersa ne’e.

Tuir nia, dadus atu rekuñese prezisa rejistu tanba ne’e agora hahú verifika ba dadus sira-ne’ebé rejistu iha Timor-Leste foin dala-rua hala’o ona iha 2003, iha ema rihun 70-resin no 2009 iha ema rihun 124-resin.

Verifikasaun ba dadus ne’ebé rejistu iha 2003 mak la’o ona no identifika iha falsifikasaun dadus nomós rejista, maibé dadus 2009 nian daudaun ne’e iha prosesu verifikasaun la’o hela no foin mak atinje 30%-resin no seidauk finaliza.

“Governu nia asaun atu fó rekuñesimentu modelu baibain fó kondekorasaun no valór pensaun tuir grau, nune’e presiza rejistu tanba ne’e verifika daudaun,” nia dehan.

MKLN mós hanoin bainhira verifikasaun dadus ba veteranu no kombante sira daudaun ne’e termina ona iha prosesu verifikasaun mak sei loke tan terseiru rejistu ba veteran no kombatente sira.

Jornalista : Nelson de Sousa

 Editór     : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here