Motorista sira tuir teste prátika atu hetan karta kondusaun. Imajen Tatoli/Celestina Teles.

COVALIMA, 08 novembru 2021 (TATOLI)—Motorista hamutuk na’in-1.878 hahú ona tuir teste prátika lori motor tama roda hanesan ezame ikus hodi bele hetan karta kondusaun no bele livre halo movimentu.

Teste prátika ne’e hala’o hosi Dirasaun Nasionál Transporte Terrestre durante semana ida resin, ne’ebè sei hahú iha loron ohin (08 novembru) to’o loron 17 fulan-novembru tinan 2021.

Notísia Relevante: DTT Covalima fó ezame eskrita ba motorista trata karta kondusaun

“Ohin, hahú teste prátika hafoin sira pasa iha teste prátika mak hafoin bele hetan karta kondusaun provizóriu fulan neen (6) mak hafoin bele hetan karta kondusaun orijinál,” Diretòr DTT Covalima, Joaquim Gusmão, hateten ba jornalista sira iha kampu eis SMP 02 Covalima, segunda ne’e.  

Kona-ba karta kondusaun orijinál, nia dehan, depende ba prosesu iha nasionál hodi prodús karta kondusaun. 

Bazea oráriu hosi DTT Covalima, motorista sira tuir teste durante semana ida nia laran no ba loron dahuluk ne’e motorista hamutuk na’in-500 maka tuir teste prátika hodi hetan karta  kondusaun. 

Motorista Ema ho Defisiénsia, Honório Gusmão. Imajen Tatoli/Celestina Teles.

Bazea dadus hosi DTT Covalima, motorista sira-ne’ebè atu tuir teste prátika hamutuk 1.878 no hosi númeru ne’e motorist sira- ne’ebè selu ona iha Banku Nasionál Comercio Timor-Leste (BNCTL) ne’e kada motorist selu $15. 

Motorista Ema ho Defisiénsia, Honório Gusmão, sente kontente tanba bele fó oportunidade ba nia hodi tuir teste prátika hodi hetan karta kondusaun.

Antese ne’e, motorista Honório Gusmão atu tuir teste prátika hodi hetan karta kondusaun maibé diretór nasionál la fó autorizasaun. 

“Ha’u hakarak tuir teste prátika hodi hetan karta kondusaun tanba ema hotu ne’ebè mak lori motor bazea ba lei tenke iha larta kondusaun. Ha’u nudar ema ho difisiénsia sente kontente bainhara fó oportunidade ba ami hodi tuir teste prátika hodi hetan karta kondusaun,” nia dehan 

Jornaliita : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here