Estudante Eskola EBC 123 Manleuana. Imajen TATOLI/Francisco Sony

DILI, 08 novembru 2021 (TATOLI)–Governu Repúblika Populár Xina liuhosi ninia Embaixada iha Timor-Leste prevee orsamentu $950.000 atu apoiu fasilidade iha eskola Ensinu Báziku Sentrál (EBC, sigla portugés) hamutuk lima iha Dili.

Tuir Responsável Polítika Programa Ai-han Mundiál (WFP, sigla portugés) iha Timor Leste, Anastácio Soriano, organizasaun mundiál ne’e mak ezekuta programa ho orsamentu ne’ebé Governu Repúblika Populár Xina prevee.

“Ami uza ona fundu $50.000-resin hodi apoiu Ministériu Edukasaun Juventude no Desportu (MEJD) hadi’a dapur iha eskola EBC 123 Manleuana, sosa komputadór, sosa pasta eskola no máskara ba estudante sira,” Responsável programa hateten iha resintu eskola Manleuana, segunda ne’e.

Notísia relevante: Parseiru dezenvolvimentu apoiu MEJD fó atensaun ba alimentasaun estudante

Eskola haat seluk ne’ebé hetan mós apoiu mak hanesan eskola Lelaus, Lebutu’u, Darlau no Metinaro.

Komputadór ne’ebé oferese ba eskola lima hamutuk 25, ne’ebé fahe ona ba Eskola EBC 123 Manleuana hitu, ba Eskola EBC Metinaro ualu no ba Eskola Lelaus, Lebutu no Darlau hetan komputadór lima.

Nune’e mós, WFP sosa tan máskara no pasta hodi distribui ba estudante iha eskola lima, bazeia ba totál estudante hamutuk 2.042.

“Máskara ne’ebé ita distribui ba estudante, sira bele uza depois bele fase. Apoiu sira ita oferese atu mellora liután prosesu aprendizajen no prosesu implementasaun programa merenda eskolár,” nia akresenta.

Jornalista : Tomé Amado

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here