Partisipasaun joven rezisténsia ne'ebé koñesidu ho masakre Santa Kruz. Foto google

DILI, 06 novembru 2021 (TATOLI) – Klibur Juventude Iliomar sábadu ne’e, realiza semináriu ida hodi komemora loron masakre Santa Kruz ba dala-XXX ho tema “Espíritu As’wain 12 novembru nian, Juventude sai autór importante ba dezenvolvimentu nasionál”.

Objetivu hosi semináriu ne’e atu fó hanoin ba jerasaun kontinuadór sira atu halo reflesaun ba akontesimentu masakre Santa Kruz ne’ebé akontese iha tinan 30 liubá.

“Tanba hosi akontesimentu ne’e juventude loriku as’wain hatudu sira-nia barani luta ba libertasaun nasionál, entaun reflesaun ohin hanesan ami (jerasaun foun) sira haree sira-nia luta ne’e oinsá iha tempu ukun-aan ida ne’e ami luta fali ba prosesu dezenvolvimentu hotu ne’ebé la’o iha nasaun ida-ne’e,” Koordenadór Klibur Juventude Iliomar Alexadre Madeira, ko’alia iha Arkivu Muzeu Rezisténsia Timorense, Dili.

Tanba juvetude ida uluk hanoin mak oinsá Timor-Leste sai independénsia, nune’e agora tenke hamriik konsiente katak dezenvolvimentu hotu ne’ebé la’o iha nasaun ida-ne’e presiza kontribuisaun juventude nian.

Klibur Juventude Iliomar sábadu ne’e, realiza semináriu ida hodi komemora loron masakre Santa Kruz ba dala-XXX. Imajen Tatoli/Arminda Fonseca.

Nune’e iha semináriu refere oradór prinsipál mak Prezidente Komité 12 novembru, Gregorio Saldanha ne’ebé lori temátiku ‘joven mak autór no harii sosiedade reziliente’.

Prezidente Komité 12 Novembru, hateten, joven uluk kompara agora la hanesan tanba joven uluk atu halo buat ruma hanesan liuhosi talentu ruma tenke haree no tetu didi’ak tanba situasaun uluk defísil tebes ba joven sira atu book-aan.

“Agradese tebes ba tempu agora tanba ita livre ona no bele halo buat hotu tuir ita-nia hakarak, liuliu juventude idak-idak bele hatudu ninia abilidade no nafatin fó valór ba ita-nia luta na’in sira ne’ebé mate ona liuhosi imi-nia matenek no kontribuisaun sai inspirador hodi inspira ba ita-nia sosiedade hodi luta ba dezenvolimentu,” Grigório Saldanha fó hanoin.

Nia dehan, juventude ne’ebé atu sai reziliente mak tenke firme labele nakdoko, tempu uluk karik joven sira inklui povu tomak ne’ebé hili dalan ukun-an hamriik foti desizaun kumu liman hateten, hakarak la lakohi Timor tenke ukun-an.

Jornalista         : Arminda Fonseca

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here