PNTL liuhosi Unidade Batallaun Orden Públika (BOP) hala'o tereinu hasoru demostrasaun sira. Iha Caicoli estrada BOP nia oin, kinta (19/10). Imajen Tatoli/Francisco Sony

DILI, 05 novembru 2021 (TATOLI)—Komandante Administrasaun no Finansa, Komandu Jerál Polísia Nasionál Timor-Leste (PNTL), Superintedente Xefe, José Soares, hateten alokasaun Orsamentu Jerál Estadu (OJE) 2022 ho montante $34,082,481 fó prioridade ba seguransa nasionál.

“Polisia Nasionál Timor-Leste hanesan forsa seguransa ho misaun defende legalidde demokratika, garante seguransa pesoál e bens salvaguarda direitu sidadaun (ho baze ba artigu 1 dekretu-lei númeru 9/2009, 19 fevereiru),” Superientidente Xefe, José Soares, hateten ba Agência TATOLI hafoin remata audénsia públika ho Komisaun B iha Parlamentu Nasionál, sesta ne’e.

Hosi totál $34,082,481 fahe ba kategoria, Saláriu no Vensimentu $17,709,509, Bens no servisu $14,712,472 no kapitál menór $1,660,5000.

Orsamentu ho baze ba programa

Orsamentu ne’e atu finansia progama prioridade tolu no sub programa sia no atividade 20 iha períodu 2022.

Programa ho kódigu 366 kona-ba seguransa sosiál ho orsamentu alokasaun hamutuk $31,314,741 ne’ebé iha kategoria Salariu no vesimentu $17,709,509, Bens no Serbisu $12,194,732 no kapitál menór $1,410,500.

Programa daruak ho kódigu 510 kona-ba boa Goveranasaun no jestaun institusionál ho orsamentu alokadu $2,750,990 ne’ebé ba Bens no serbisu $2,500,990 no kapitál menor $250,0000.

Ikus liu, porgrama ho kódigu 980 kona ba igualidade jéneru no inlusaun sosiál ho orsamentu alokadu iha Bens no servisu hamutuk $21,560.

Adisionál millaun $5

Komandante Administrasaun no finansa PNTL ne’e afirma halo proposta adisionál ho millaun $5 hodi halo akizasaun ba viatura foun hodi halo operasaun ba eleisaun presidensiál 2022.

“PNTL presiza viatura bele responde situsaun ida ne’e. Ita propoin tan orsamenu adisionál milaun $5,” nia afirma.

Proposta adisionál ne’e ho baze ba fiskalizasaun direta hosi Deputadu Komisaun B halo iha terenu nota difikuldade PNTL hasoru maka laiha transporte operasionál, motorizada, ekipamentu komunikasaun.

Tanba, membru efetivu PNTL hamutuk 4.900 ne’ebé presiza duni ekipamentu polisiál, lojístika no infraestrutura di’ak atubele garante seguransa iha Eleisaun Prezidensiál 2022.

“Ita nian kondisaun viatura barak maka kondisaun aat tanba PNTL nia karreta la’ós hanesan ministériu sira seluk, maibé halo operasaun durante 24 oras,” nia afirma.

Iha 2019, PNTL halo akizasaun karreta operasionál foun hamutuk 15 no tinan 2020 hola tán karreta 25.

“Ita propoin millaun $5 hodi hola tan karreta balun tanba ita presiza viatura 44 atu apoia atividade operasionalizasaun PNTL nian. Ha’u fiar ho proposta ne’e deputadu Komisaun B sei konsidera bele aprova iha plenária”, Nia afirma.

Jornalista  : Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here