Sekretáriu Jerál Karketu Dili FC, Elizeu Isaac. Imajen/Mídia FFTL

DILI, 04 novembru 2021 (TATOLI)– Ekipa jigante Karketu Dili FC ho mehi atu sai kampiaun  iha Primeira Divizaun Liga Futeból Timor-Leste (LFTL) 2021.

“Kakretu nia mehi ho target juara iha tinan ne’e. Tanba ne’e mak ami kontrata ona jogadór estranjeiru no nasional sira mesak di’ak de’it,” Sekretáriu Jerál Karketu, Elizeu Isaac, hateten ba Agência TATOLI, iha Estádiu Munisipál Dili, kinta ne’e.

Ho mehi boot ne’e, ekipa kapital Dili ne’e kontrata ona jogadór estranjeiru na’in tolu, hanesan Brazi Patrick sei uza númeru kamizola 9, Boaten hosi Ghana sei uza númeru kamizola (77) no Marcelo hosi Belanda, uza númeru kamizola (11).

Nune’e, Jogadór na’in-ida husi nasaun Gana, daudaun treinu hamutuk ekipa iha Timor-Leste no na’in rua iha ona Malazia, semana oin bele to’o Timór.

Jerente Karketu mós kontrata ona jogadór lokál ne’ebé naran boot mós iha liga Timor-Leste hamutuk na’in 22.

“Haree ba jogadór ne’ebé kompletu ona Karketu preparadu atu tuir liga primeira divizaun 2021 ho ambisaun tenke sai kampiaun,” nia afirma.

Tuir oráriu ne’ebé públika ona hosi LFTL jogu ba primeira divizaun sei hahú novembru-to’o dezembru tinan ne’e.

Jornalista : Hortencio Sanchez

Editor        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here