Administradór Munisípiu Covalima, Francisco de Andrade. Imajen Tatoli/Celestina Teles.

COVALIMA, 04 novembru 2021 (TATOLI)—Atu komemora loron proklamasaun independénsia Timor-Leste 28 novembru ba dala-46, munisípiu Covalima sei realiza no promove kompetisan desportu tradisionál (kuda halai taru). 

Administradór Munisípiu Covalima, Francisco de Andrade, hateten preparasaun atu komemora loron proklamasaun Independensia 28 novembru, administrasaun munisipál Covalima forma ona komisaun organizadora nune’e bele komemora loron refere liuhosi desportu.

“Ami realiza enkontru datoluk ona, atu komemora loron proklamasaun independénsia Timor-Leste 28 novembru, ami forma ona komisaun organizadora. Durante ne’e komisaun organizadora aprezenta katak sei realiza atividade desportiva tradisonál ka kompetisan kuda halai taru no seluk tán,” Francisco de Andrade informa ba Agência Tatoli iha nia kna’ar fatin, Covalima, kinta ne’e. 

Razaun Komisaun sira deside realiza atividade desportu tradisionál kuda halai taru iha ámbitu komemorasaun loron proklamasaun independensia 28 novembru ne’e, maske Covalima mak na’in maibé realidade atividade desportiva kuda halai taru atu lakon ona tanba bainhira komemora loron nasionál sira ladún tau ona prioridade 

Ha’u orienta ona komisaun organizadora sira atu identifika kuda hira mak sei iha Covalima ne’e. Bainhara kuda la to’o 10 sei la realiza, se liu 10 bele realiza atividade desportiva kuda halai taru. Ho intensaun, ita atu konserva fali ita-nia animál sira-ne’ebè mak sai hanesan desportu tradisionál,” nia dehan 

Komemorasaun loron proklamasaun independensia 28 novembru ne’e, kada tinan postu administrativu ida-idak komemora iha sira ida-idak nia fatin tanba iha orsamentu rasik atu selebra loron refere. 

“Ha’u lá hatene orsamentu hira mak aloka ba postu administrativu sira atu selebra loron nasionál sira hanesan 28 novembruu, 20 maiu no 30 agostu,” nia hateten. 

Jornalsita : Celestina Teles

Editór      :  Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here