Sekretáriu Rejionál na Asuntu Saúde, Manuel da Costa. Imajen Tatoli/Abílio Elo Nini.

OÉ-CUSSE, 04 novembru 2021 (TATOLI) — Autoridade Rejiaun Administrativa Espesiál Oé-Cusse Ambeno (RAEOA) aloka millaun $1-resin ($1,063,543.89) ba Sekretaria Rejionál Asuntu Saúde konstrui fasilidade saúde públika iha rejiaun ne’e.

Projetu ne’e ba unidade neen, unidade tolu prevee hosi orsamentu fundu COVID-19 halo izolamentu, laboratóriu, banku de sangue inklui sala Unidade Kuidadu Intensivu (ICU, sigla inglés). Projetu ne’e prevista iha hosi Orsamentu Jerál Estadu (OJE) 2021 hodi finánsia postu saúde Tumin, rezidénsia pesoál saúde destakadu no konstrusaun ba moras Tuberkoluze (TBC).

“Kondisaun postu Saúde Tumin ladún di’ak ona, entaun presiza fatin adekuadu ba profisionál saúde sira bele hala’o serbisu ho dignu, konstrusaun armazein presiza tanba asegura ai-moruk sira iha rejiaun, daudaun ne’e iha rejiaun seidauk iha espasu atu rai ai-moruk entaun presiza fatin,” Sekretáriu Rejionál ba Asuntu Saúde, Manuel da Costa, informa ba Agência TATOLI, iha Santa Rosa, Oé-Cusse, kinta ne’e.

Nia fó-sai katak, sala ba moras Tubercoloze nia Bill of Quantity (BoQ) sei iha prosesu hela atu haruka ba iha Unidade Aprovizionamentu no Lojíztika atu loke konkursu públiku.

Entretantu, konstrusaun unidade ne’ebé Unidade Aprovizionamentu públika ona maka hanesan, kontrusaun Kliníka Postu Saúde Tumin iha suku Bobometo, sub-rejiaun Oésilo, ezekuta hosi empreza Fitun Naubabas Unipesoál Lda, ho valór kontratu $66,555.33.

Konstrusaun rezidénsia pesoál Saúde destakadu nian iha postu saúde Tumin ezekuta hosi empreza Joana Bobo Tanu Unipesoál Lda, ho valór kontratu $70,547.52. Konstrusaun armazein sentrál ba ai-moruk no konsumível médiku seluk iha Santa Rosa, suku Costa, sub-rejiaun Pante Makasar, ezekuta hosi empreza Fitun Sanane Unipesoál Lda, ho valór kontratu $427,615.95.

Purtantu, konstrusaun sala izolamentu iha Hospital Referál Oé-Cusse ezekuta hosi empreza Erihjocia Unipesoál Lda, ho valór kontratu $288,082.66 no konstrusaun sala Unidade Kuidadu Intensivu (ICU) iha Hospital Referál Oé-Cusse maibé sei re-konkursu.

Nune’e mós konstrusaun edifísiu laboratóriu no banku de sangue iha Hospital Referál Oé-Cusse, ezekuta hosi empreza Dinhola Unipesoál Lda, ho valór kontratu $210,742.43.

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here