Joven ne’ebé mate iha Samalari/imajen espesiál.

DILI, 04 novembru 2021 (TATOLI)— Polísia Nasionál Timor-Leste (PNTL) munisípiu Baucau, aprezenta ona kazu onkum Polísia Ofisiál Suku ho inisiál FC, ne’ebé deskonfia tiru mate joven ida MC ho idade 21 no ida kanek todan DSMF iha suku Samalari, postu administrativu Baucau Vila, munisípiu Baucau ba Ministériu Públiku (MP).

Portavóz Polisia Nasionál Timor-Leste (PNTL), Superintendente Xefe Arnaldo de Araújo, informa, momentu kazu akontese PNTL Baucau detein kedan suspeitu ne’ebé denskonfia tiru mate joven ida no ida kanek iha Samalari, Baucau Villa.

“Polísia Baucau hala’o atuasun kedan iha momentu akontesimentu hodi buka tuir no rekolla kedas informasaun hodi asegura kedan suspeitu iha sela detensaun tanba   fragante delitu. Nune’e kazu ne’e submete ona ba iha Ministeriu Públiku Baucau, hodi hein aprezentasaun  iha primeiru interogatóriu iha tribunál Distrital Baucau,” Superintendente Xefe Arnaldo de Araújo, hateten ba jornalista ba jornalista sira iha Komandu Jerál PNTL, Caicoli, kinta ohin.

Kazu ne’e deskonfia tiru hosi ajente PNTL, ne’ebé rezulta joven ida mate no ida kanek todan, akontese iha loron segunda, 01 novembru, maizumenus tuku 9:00, kalan, bainhira mosu konfrontu entre grupu juventude iha suku Samalari.

Parte autoridade seidauk bele informa motivu ba kazu ida ne’e tanba sei iha hela prosesu investigasaun ne’ebé hala’o hosi Polisia Investigasaun Kriminál Nasionál hamutuk ho Polísia investigasaun kriminál Distritál Baucau.

“Maibé, informasaun hosi Departamentu Investigasaun Kriminál hosi Komandante Jerál nian kazu ne’e laiha relasaun ho grupu arte marsiál,” nia akresenta.

Iha sorin seluk,  Komandante PNTL Baucau, Superientedente Xefe Armando Monteiro, informa, kazu tiru ne’e akontese iha Segunda (01/11), iha Samalari Postu Administrativu Baucau villa, Munisípiu Baucau, ne’ebé envolve membru Ofisiál Polísia Suku Samalari ho inisiál FC.

“Hafoin akontesimentu ne’e ha’u tun kedas iha terenu hodi dezarma membru no lori membru ne’e mai detein iha sela detensaun Komando polísia Baucau,” Komandante Superintendente Xefe Armando Monteiro, esplika.

Polísia Servisu Investigasaun Kriminál Nasionál apoia Servisu Investigasaun Baucau hala’o investigasaun hodi bele hatene motivu hosi kazu omesidu ne’e.

“Polísia Invstigasaun bolu ona ema na’in sia hodi fó informasaun kona-ba akotesimentu refere ne’ebé kazu ne’e sumbete on aba Ministériu Públiku atu proses aba oin,” nia afirma.

Notísia Relevante: Konfrontu iha Baucau, Joven ida mate no ida kanek todan

Jornalista : Natalino Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here