Estudante Sekundaria Unamet Dili bainhira simu Vasina Pfizer, kinta 28/10/2021..Imajen Tatoli/António Gonçalves

DILI, 4 novembru   2021 (TATOLI)—Sala Situasaun, Sentru Integradu Jestaun Krize (CIGC,sigla portugés) relata, ohin,  kazu detetadu foun na’in-haat, rekuperadu rua no kazu ativu 16.

”Kazu detetadu foun na’in-haat hosi Dili hotu, munisípiu seluk laiha,” Koordenadór Forsa-Tarefa ba Prevensaun no Mitigasaun, Rui Maria de Araújo, hateten liuhosi nota ne’ebé Agência TATOLI asesu, kinta ne’e.

Nune’e, hahú 21 marsu 2020 to’o 4 novembru 2021 iha kumulativu kazu konfirmadu 19.794 no óbitu 122.

Hosi horisehik mai ohin, Laboratóriu Nasionál Saúde halo teste PCR 35, kompostu vijilánsia sentinela laiha, rastreiu ba kontaktu la iha, rastreiu aleatóriu 31, viájen internasionál na’in-tolu , follow up iha kuarentena na’in-ida.

Alende ne’e, totál teste PCR ne’ebé halo iha 3 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 147, hanesan Maubisse la iha, Maliana la iha, Viqueque la iha, Suai haat, Baucau 65, Ermera la iha, RAEOA la iha, HNGV 68, Lautém na’in-10, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 4 novembru , tuir sistema informasaun Saúde iha Ministériu Saúde, hanesan kumulativu 1ª doze iha Dili (82,6%) no kumulativu 2ª doze iha Dili (73,7%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 74,4% no simu ona doze daruak 48,5%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante, enkuantu ba deit munisípiu Dili 0,2/100 mil abitante.

Iha loron 4 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in-tolu, moderadu na’in-ida no kaman na’in-rua.

Notísia Relevante: COVID-19: kazu pozitivu laiha, rekuperadu 18 no ativu 14

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here