CJRO hamutuk entidade relevante sira diskute preparasaun komemorasaun 12 Novembru iha RAEOA. Imajen Tatoli/Abílio Elo Nini.

OÉ-CUSSE, 29 outubru 2021 (TATOLI)— Sentru Juventude Rejiaun Oé-Cusse (CJRO, sigla portugés), sesta ne’e halo enkontru ho entidade relevante sira hodi diskute preparasaun ba komemorasaun masakre Santa Cruz, 12 Novembru ba dala-30 no loron nasionál juventude Timor-Leste.

Nune’e iha rezultadu enkontru ho entidade relevante sira konsege defini ona atividade prinsipá haat sei hahú iha loron 9 to’o 12 Novembru kalan.

“Ita konvoka enkontru ho entidade sira hotu atu diskute preparasaun ba komemorasaun loron 12 Novembru iha rejiaun Oé-Cusse, tanba ne’e maka ohin ami forma ona komisaun no deskuti mós atividade prinsipál haat mak sei hala’o iha loron istóriku ne’e,” Diretór CJRO, Dionísio Taek, informa ba Agência TATOLI, iha sentru juventude Oé-Cusse, sesta ne’e.

Atividade prinsipál haat atu sei realiza hahú iha loron 9 Novembru to’o 12 Novembru, dahuluk hala’o atividade semináriu estudante no komunidade, daruak hala’o kampaña vasinasaun COVID-19, datoluk hala’o misa no kari ai-funan, ikus liu kalan reflesaun iha sentru juventude. Atividade ne’e apoia fundu hosi Sekretaria Estadu Juventude no Despostu (SEJD) ho montante $3,500.

Entretantu partisipa iha enkontru preparasaun ne’e kompostu hosi Diretór Edukasaun RAEOA, F-FDTL, PNTL, veteranu, organizasaun juventude, sobrevivente Komité 12 Novembru, membru parlamentu foinsa’e, sosiedade sivíl no xefe juventude sira kada suku.

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here