Negosiante fa’an ai-han lokál iha bazar tradisionál, iha kapitál Dili, 16 outubru 2020. Imajen TATOLI/António Gonçalves

DILI, 27 outubru 2021 (TATOLI)—Ministru Koordenadór Asuntu Ekonómiku (MKAE), Joaquim Amaral, aprezenta Projetu Dekretu-Lei iha reuniaun Konsellu Ministru (KM) iha kuarta ne’e, kona-ba ezekusaun medida ba seguransa ai-han ne’ebé prevee iha Lei númeru 8/2021, loron 03 maiu.

Nune’e, iha mós ligasaun kona-ba alterasaun dahuluk ba lei númeru 14/2020, loron 29 dezembru, kona-ba Orsamentu Jerál Estadu (OJE) tinan 2021 no aprovasaun medida apoiu sosio-ekonómiku.

“Medida seguransa ai-han aprova hpsi Parlamentu Nasionál ho objetivu atu hamenus frajilidade ekonomia nasionál hasoru impaktu negativu husi COVID-19 no mós atu hakma’an ema no família timor-oan ne’ebé hasoru difikuldade asesu ai-han,” Ministru Prezidénsia Konsellu Ministriu Fidelis Manuel Leite Magalhães, informa, hafoin reuiaun ezekutivu, iha Palásiu Governu

Ba kestaun ne’e, Sentru Lojístika Nasionál (CLN, sigla portugés) hanesan responsável atu promove akizisaun no distribuisaun produtu ai-han ne’ebé maihosi produsaun agríkola nasionál,  liuliu sereál no bele de’it halo importasaun bainhira komprova katak oferta nasionál la sufisiente ba efeitu ne’e.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here