Edifísiu Eskola ESJ 4 setembru UNAMET Balide, Dili. Imajen TATOLI/Egas Cristóvão

DILI, 22 outubru 2021 (TATOLI)—Ministériu Edukasaun Juventude no Desportu (MEJD) liuhosi Diresaun Servisu Edukasaun Munisípiu Dili (SEMD), indika ona Eskola Ensinu Sekundáriu Jerál (ESJ) 4 setembru UNAMET Balide sai  fatin realizasaun seremónia lansamentu vasina Pfizer ba ema ho idade 12 to’o 17.

Diretór Servisu Edukasaun Munisípiu Dili, Duarte Braganza, hateten, razaun hili eskola ne’e tanba hanesan sentru ba eskola hotu iha Dili.

“Ami haree eskola ne’e merese atu sai fatin ba lansamentu vasina Pfizer,” Diretór Servisu Edukasaun, dehan ba Agência TATOLI, iha ninia knaar fatin, Comoro, sesta ne’e.

Notísia relevante: MEJD-MS halo advokasia vasinasaun Pfizer ba manorin iha Cristo Rei

Iha sorin seluk, Adjuntu Diretór Eskola ESJ 4 setembru UNAMET Balide, Cancio Soares, informa, planu lansamentu vasina Pfizer sei realiza iha loron 27 outubru 2021, hafoin eskola ida-idak iha Dili submete oráriu vasinasaun.

Dirijente eskola ne’e orgullu tanba SEMD hili eskola ne’e sai sai fatin abertura vasina, maski to’o agora seidauk simu informasaun kona-ba asuntu ne’e.

Tuir dadus hosi MEJD, ema ho idade 12 to’o 17 hamutuk 130.000 mak preparadu atu simu vasinasaun, ne’ebé hosi númeru ne’e, 100.000 hanesan estudante no 30.000 la’ós estudante.

Jornalista : Tomé Amado

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here