Ekipa responsável entrega ekipamentu servisu Mão de Obra iha suku Uma-kiik, postu Viqueque villa. Imajen TATOLI/Vitorino Lopes da Costa

VIQUEQUE, 21 outubru 2021 (TATOLI)–Administradór postu Viqueque villa, Antonio Gregório, informa, progresu implementasaun programa Mão de Obra iha postu Viqueque, daudaun ne’e atinje ona 65%.

“Implementasaun projetu Mão de Obra iha postu Viqueque villa, halo ona pagamentu ba suku hitu no suku ida mak iha prosesu pagamentu,” Administradór postu informa ba Agência TATOLI, iha Administrasaun munisípiu Viqueque, kinta ne’e.

Notísia relevante: MAE lansa programa ‘Mão de Obra’ iha suku Uma Ki’ik

Postu ne’e iha suku sanulu, ne’ebé suku tolu seidauk implementa Mão de Obra, enkuantu suku Bahalara Uain foin halo lansamentu obra iha loron 22 outubru 2021.

Suku tolu ne’ebé seidauk implementa projetu ne’e maka Waimori, Bibilo no Bahalara Uain.

Alokasaun orsamentu ba projetu ne’e ho totál $50.000, daudaun ne’e ezekuta ona $24.301.

Programa Mão de Obra iha postu administrativu Viqueque villa sei fó benefísiu ba abitante hamutuk 1.006

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here