Asesor Polítika MTKI, Basílio Soares Marques. Imajen Agência TATOLI/Natalino Belo.

BAUCAU, 20 outubru 2021 (TATOLI) – Ekipa Ministériu Turismu Komérsiu no Indústria (MTKI) hamutuk ho pesóal saúde Baucau vila tama-sai uma (dor to dor) lansa kampaña vasinasaun.

Asesor Polítika MTKI, Basílio Soares Marques, hateten, prezensa iha Baucau loron neen ona halo atividade hamutuk ho ekipa saúde postu administrativu Baucau vila no Vemasse liuhosi meiu tama-sai uma komunidade nian iha suku no aldeia atu fó informasaun kona-ba vasinasaun.

“Ami tama-sai uma iha fatin ne’ebé inan-aman sira la’o labele, bele telefone ami disponível atu ba atende,” Asesor polítika MTKI ne’e ko’alia iha Vila Nova, kuarta ne’e.

Basílio esplika, mekanismu tama-sai uma rezulta progressu pozitivu tanba direitamente atende komunidade iha uma no komunidade barak mak hakarak fó-an atu vasina hanesan meiu prevensaun ba COVID-19 iha Baucau.

Entretantu totál komunidade munisípiu Baucau ne’ebé partisipa iha kampaña vasinasaun doze dahuluk hamutuk 53.726 (73%), doze daruak 39.565 (54%), hosi totál sentru saúde 10, suku 59 no aldeia 281. Komunidade ne’ebé seidauk vasina hamutuk 19.591, totál alvu ema 73.317.

Jornalista            : Natalino Belo

Editór                    : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here