Progresu kontrusaun UKL iha suku Matahoi, segunda (18/10). Imajen TATOLI/Vitorino Lopes da Costa

VIQUEQUE, 18 outubru 2021 (TATOLI)—Progresu konstrusaunUma Kbiit Laek (UKL) suku Matahoi, postu administrativu Uatulari, munisípiu Viqueque, daudaun ne’e atinje ona 20%

“Agora badain sira mós kontinua esforsu tanba agora daudaun udan para ona,” Xefe suku Matahoi, António Amaral, informa ba Agência TATOLI, iha Viqueque Vila, segunda ne’e.

Tuir Líder Komunitáriu ne’e, durante ne’e la halo kontrusaun tanba dadaen sira preokupa ba hare no natar, tanba tempu udan ona.

“Tanba ne’e, ami-nia konstrusaun ba pondasi uma-nia hotu ona, daudaun badaen sira hatuur ona bataku,” nia akresenta.

Benefisiáriu UKL iha suku ne’e iha tolu hosi aldeia Maukiak, ne’ebé família tolu ne’e ho kondisaun vulnerável.

“Ami haree sira-nia kondisaun vulnerávele tebes, tanba ne’e sira merese hetan apoiu uma,” nia dehan.

Tuir rezultadu fiskalizasaun ba progresu konstrusaun UKL Viqueque, iha postu administrativu Viqueque villa Ho UKL 30 atinje ona 52%, Ossu iha 30 atinje 3%, Uatulari iha 18 atinje 0,5%, Lacluta 12 atinje 20% no Uatucarbau iha 18 atinje 37%.

Governu sei harii UKL hamutuk 1.254 iha suku 424, ho totál alokasaun orsamentu hosi tinan  2021 hamutuk millaun $25, enkuantu kustu ba kada uma entre $14.000 to’o $17.000.

Uma ne’ebé konstrui kompostu hosi tipu ka medida rua hanesan, tipu 48 m2 iha kuartu tolu, sala vizita ida no dapur, tipu 37 m2 kuartu rua, kompletu ho sala vizita ho kuziña.

Konstrusaun UKL ho objetivu korresponde ho Planu Estratéjiku Dezenvolvimentu Nasionál (PEDN) 2011-2030, ne’ebé rekoñese povu Timor-Leste nia aspirasaun atu harii nasaun ne’ebé forte, prósperu no moris di’ak.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here