DILI, 17 outubru 2021 (TATOLI)— Sala Situasaun, Sentru Integradu Jestaun Krize (CIGC,sigla Portugés) relata dadus atuál, domingu (17/10), kazu detetatu foun hitu, kompostu hosi Dili hitu no munisípiu seluk laiha, rekuperadu neen no ativu 99.
Totál kazu detatadu foun, kompostu hosi mane haat no feto tolu, ho idade 20 ba kraik na’in-rua (28,5%), idade entre tinan 12 to’o 59 nain-lima (71%) no idade 60 ba leten laiha, nune’e kazu lima 71% maka sintomátiku no hosi kazu detetadu foun tolu (43%) iha ona vasina kompleta.
Nune’e, totál kazu konfirmadu kumulativu iha Timor-Leste hahú 21 marsu 2020 to’o 17 outubru 2021 hamutuk 19.714 no komulativu óbitu 119.
“Númeru kazu detetatu foun kontinua reduzidu ho taxa positividade 3,1%. Kazu ativu tunn ba bebeik no munisípiu neen mak laiha ona kazu ativu no munisípiu neen seluk (inklui RAEOA) sei iha kazu esporadiku. Entertantu kobertura vasina nivél nasionál ba doze segundu foin mak to’o 43,2%,”Koodenadór Forsa-Tarefa ba Prevensaun no Mitigasaun Surtu COVID-19, hosi CIGC, Rui Maria de Araújo, relara liuhosi nota ne’ebé Agencia TATOLI asesu, sábadu ne’e.
Aleinde ne’e, totál teste PCR ne’ebé rejista iha Laboratóriu Nasionál Saúde hamutuk 142 hanesan vijilánsia sentinela laiha, rastreiu ba kontaktu na’in-ida, rastreiu aleatóriu 111, viajen internasionál na’in-6 no follow up iha kuarentena 24.
Totál teste PCR ne’ebé halo horiseik, loron 16 outubru, iha Munisipiu sira seluk, REAOA no Hospitál Nasionál Guido Valadares (HNGV) hamutuk 79, kompostu hosi Baucau 16, Ermera laiha, Maliana hitu, Maubisse tolu RAEOA 12 , Suai 8, Viqueque laiha, Lautém laiha, HNGV 44 no Vera Cruz ida.
Iha parte seluk, totál teste PCR iha oras 24 ikus iha 221, ne’ebé hatudu taxa pozitividade 3,1% tun koopera kompara ho semana kotuk, loron 10 outubru, taxa pozitividade 8,5%
CIGC mós relata kobertura vasina kompletu iha Dili purvolta 70% no iha territótiu tomak kuaze 40%
Iha loron 17 outubru, izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu nain-sia kompara iha semana kotuk, loron 10 outubru hamutuk 22.
Hosi total ne’e kazu grave hamutuk rua, kompostu nain-ida uza ventilador no ida uza oksijéniu. Moderadu hamutuk lima no leve ka kamaan na’in-rua.
Notísia relevante: COVID-19: kazu detetadu foun haat no ativu 98
Jornalista: Natalino da Costa
Editór : Florencio Miranda Ximenes
