Komandante Jerál PNTL, Komisáriu, Faustino da Costa. Imajen Tatoli/Francisco Sony

DILI, 15 outubru 2021 (TATOLI)- Polisia Nasionál Timor Leste (PNTL) liuhosi Komandu Munisípiu Baucau detein suspeitu prinsipál ho inisiál QUS, idade 25, ne’ebé oho veteranu Celestino Boavida “Lemorai”. .

Tuir kronolojia kazu ne’e akontese iha kinta (14/10), 8:00, hodi hamate veteranu Lemorai iha área Iraduisi, aldeia Wasufa, suku Namanei, postu administrativu Quelicai, munisipiu Baucau.

“Kazu omisídiu iha Quelicai, Baucau hodi hakotu veteranu Lemorai nia vida, daudaun ne’e suspeitu ba kazu ne’e rasik, PNTL detein ona ema na’in ida,” Komadante Jerál, Polisia Nasionál Timor-Leste (PNTL), Komisáriu Faustino da Costa, informa, ba Jornalista sira iha edifísiu Provedória Direitu Umanu no Justisa (PDHJ, sigla Portugés), Caicoli-Dili, sesta ne’e.

Motivu hosi kazu omisídiu ne’e, Komisáriu Faustino, hateten, problema família liuliu problema rai ne’ebé akontese ona dezde fulan kotuk no kontinua fali iha kinta (14/10),horiseik, hodi rezulta veteranu Lemorai lakon vida.

“Ha’u labele fó komentariu kle’an liu tanba kazu ne’e sei iha hela prosesu investigasaun nia laran,” Komandante Jerál ne’e fundamenta.

 Jornalista: Natalino Costa

Editór: Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here