Estudante Primária Canossa segunda (20/09). Imajen TATOLI/António Gonçalves

DILI, 15 outubru 2021 (TATOLI)–Ministériu Edukasaun, Juventude no Desportu (MEJD) ofisialmente altera kalendáriu eskolár tinan akadémiku 2021, ba estudante sira hahú hosi edukasaun pre-eskolár to’o esinu sekundáriu jerál no tékniku vokasionál.

Alterasaun ne’e bazeia ba pedidu alterasaun 170/GADC/MEJD/X/2021, ne’ebé mudansa sei realiza iha loron 13 outubru 2021, hosi Ministru Edukasaun, Juventude no Desportu, Armindo Maia.

Tuir Koordenadór Unidade Kuríkulu Nasionál (UKN), Pedro Goçalves, atividade ba tinan ezame pasajen ne’ebé inklui prova finál, la inklui estudante edukasaun pré eskolár, ensinu báziku primeiru no segundu siklu, ensinu sekundáriu Tékniku vokasionál, sei realiza iha loron 22 to’o 27 novembru 2021.

“Ba tinan ne’e, atividade graduasaun ba labarik sira iha edukasaun pre-eskolár sei akontese iha loron 29 to’o 30 novembru 2021. Nune’e mós, preparasaun eskola atu prienxe kaderneta eskolár no atividade extrakurikulár nian, ne’ebé sei realiza iha loron 29 novembru 2021 no 10 dezembru 2021,” Koordenadór informa iha ninia knaar fatin, sesta ne’e.

Aleinde ne’e, parte ministériu prepara ona tempu ba eskola sira atu halo distribuisaun kaderneta eskolár ba inan-aman sira atu hatene rezultadu oan sira-nian durante tinan-ida nia laran, ne’ebé sei realiza iha loron 11 dezembru 2021.

Enkuantu, atividade ezame nasionál no ezame lokál ba estudante ensinu báziku tinan 9 eskolaridade no estudante desimu segundu ensinu sekundáriu jerál inlui tékniku vokasionál sei realiza iha loron 13 to’o 18 dezembru 2021.

“Kuandu atividade ezame pasajen ramata ona, iha mós oportunidade ba estudante atu prepara mós matríkula foun hahú tinan foun 2022 iha loron 17 to’o 22 janeiru no atividade inísiu ano letivo foun 2022, ne’ebé sei hahú iha loron 24 janeiru 2022.

Jurnalista :  Tomé Amado

Editora      :  Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here