Asidente tráfegu entre karreta ida soke motór iha Ponte CPLP I, Comoro, Dili, rezulta karreta no motór, inklui fasilidade estrada públiku hetan estragus. Imajen/PNTL

DILI, 12 outubru 2021 (TATOLI)— Polisia Nasionál Timor-Leste (PNTL), iha semana dahuluk, hosi loron 01 to’o loron 12 outubru, rejista kazu asidente trágefu hamutuk 37 akontese iha territóriu nasionál.

“Hahú hosi loron 1 outubru 12, ami rejista kazu  asidente tráfegu liuliu ema monu ka soke malu motór no  karreta hamutuk 37, ” Xefe Gabinete Relasaun Públika no Portavóz PNTL, Superintendente Xefe  Arnaldo de Araúj, relata ba jornalista sira iha Komandu Jerál PNTL Caicoli, tersa ne’e.

Alende kazu asidente tráfegu, PNTL rejista mós kazu insidente hamutuk 19, kompostu kazu violasaun doméstika, asaltu malu no kazu krime seluk.

Hosi asidente sira ne’ebé rejista, PNTL kontinua alerta ba motorista hotu-hotu atu kontrola aan, bainhira lori transporte labele konsumu alkóliku.

“Husu ba públiku atu lori viatura tenke ho konsénsia no kuidadu aan atubele kontribui ba redusaun númeru kazu asidente trafégu,” Portavóz ne’e fó hanoin.

 Jornalista: Natalino Costa

Editór: Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here