Primeiru-Ministru,Taur Matan Ruak, hamutuk ho membru Governu diskute pedidu renovasaun deklarasaun EE da-XVIII hosi Prezidente Repúblika, iha sala plenária Parlamentu Nasionál, tersa (28/09). Imajen TATOLI/Egas Cristóvão.

DILI, 12 outubru (TATOLI)– Parlamentu Nasionál, tersa ne’e, altera ona Lei Sistema Saúde iha jeneralidade ho rezultadu votasaun a-favór 37, kontra 2 no abstensaun 13.

“Nune’e proposta lei alterasaun ba Sistema saúde aprovadu iha jeneralidade. Tuir mai espesialidade sei halo diskusaun iha Komisaun F,” Prezidente Parlamentu Nasionál, Deputadu Aniceto Longuinhos Guterres Lopes, hateten iha sala plenáriu Parlamentu Nasionál.

Projetu proposta ba alterasaun dahuluk lei númeru 10/2004, 24 novembru nian kona-ba Lei Sistema Saúde.

Ministra Saúde, Odete Maria Freitas Belo, hateten, ho alterasaun ne’e autoridade kompetente sira iha matéria vijilánsia epedemilíjiku no sanitáriu atu uza mekanizmu protesaun ba saúde públika ho objetivu atu Evita no neutraliza riksu atu moras labele da’et ba populasaun.

“Iha mós dokumentu ida ka lei regulamemtu sanitária internasionál, ne’ebé anexa iha lista moras  ne’ebé  tenke kontrola, entaun ita uza mós lista iha alterasaun ne’e. Ami sei serbisu hamutuk ho Komisaun F atu halo diskusaun iha espesialidade,” Ministra Saúde akresenta.

Governante ne’e esplika, entre medida protesaun ba saúde públika ne’ebé inklui iha diploma ida ne’e, sei iha mós possibilidade atu ema sé de’it tenke halo ezame médiku no bainhira deskonfia moras ruma ne’ebé inklui mós iha lista ne’ebé prevee ona iha lei ka regulametu adminsitrativu, maka tenke lori ba internamentu ka tratamentu komplusivu ba fatin izolamentu no kuarantena.

“Iha situasaun ne’ebé a’at liu ka emerjénsia ruma ba saúde, bele fó orden atu halo konfinamentu obrigatóriu,” nia subliña.

Jornalista : Felicidade Ximenes

 Editór : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here