Xefe suku Ossoala, Filipe Xavier Correia. Imajen Agência TATOLI/Natalino Belo

BAUCAU, 11 outubru 2021 (TATOLI) – Komunidade suku Ossouala, postu administrativu Vemasse, munisípiu Baucau, Filipe Xavier Correia, seidauk asesu eletrisidade tanba ne’e husu governu aselera prosesu tenderizasaun.

Xefe suku Ossouala, Filipe Xavier Correia, husu Governu liuhosi Ministériu Obra Públika (MOP) atu aselera prosesu tenderizasaun eletrisidade tanba durante ne’e komunidade seidauk sentE naroman hosi ukun-an ne’e.

“Hafoin ukun-aan eletrisidade seidauk tama, durante ne’e komunidade balun utiliza ahi tradisionál hanesan lilin ne’ebé halo hosi kamí, tanba ne’e ami husu atu aselera liña eletrisidade mai ami-nia suku,” Filipe informa ba Agência TATOLI iha nia kna’ar-fatin, segunda ne’e.

Nia parte iha fulan-juñu sorumutu ona ho parte responsável EDTL inklui kompaña sira maibé dokumentu seidauk prenxe rekizitu no daudaun ne’e sei re-tenderizasaun.

Daudaun ne’e komunidade balun mak asesu eletrisidade uza solar-panel, enkuantu maioria mak utiliza de’it lampu tradisionál hanesan lilin ne’ebé ne’ebé prodús ai-kamí. Molok ne’e, Governu fasilita solar-panel ba komunidade hamutuk 300 maibé daudaun ne’e kondisaun aat hotu ona.

Antes ne’e, Prezidente Konsellu Administrativu Eletrisidade Timor-Leste (EDTL,ep), Paulo da Silva hateten, tinan ne’e sei fornese liña eletrisidade ba Suku Ossouala, postu administrativu Vemasse no suku Maluru, postu administrativu Quelicai.

Bazea ba orientasaun Primeiru Ministru (PM), Taur Matan Ruak no Ministru Obras Públika (MOP), Salvador Pires katak iha tinan 2021 no 2022 tenke rezolve hotu liña eletrisidade ba komunidade sira hosi 15% ne’ebé seidauk asesu ahi.

Suku Ossoala iha aldeia lima kompostu hosi Cai-denulale, Heine-uai, Lolinunu,Uai-khanasa, Uma-ana iku ne’ebé total komunidade hamutuk 2.339 hosi uma-kain 103.

Jornalista : Natalino Belo

Editor: Evaresto Martins

PUBLISIDADEiklan

HAKEREK NO HATÁN

Please enter your comment!
Please enter your name here