SECoop fó pose ba dirijente kooperativa 12 iha Viqueque. Imajen Tatoli//Vitorino Lopes da Costa

VIQUEQUE, 07 outubru 2021 (TATOLI)- Sekretáriu Estadu Kooperativa (SECoop), Elizário Fereira, iha kinta ne’e, fó pose ba dirijente kooperativa hamutuk 12 iha munisípiu Viqueque.

“Ha’u husu jerente kooperativa no membru sira husi kooperativa 12 ne’ebé simu ona pose tenke ho responsável ba konfiansa tomak husi membru-sira hodi hala’o atividade kooperativa nian ba sustentablidade,”  SECoop, Elizário Fereira ba jornalista Agência Tatoli, hafoin ramata pose remata, iha suku Uma Uain Kraik, kinta ne’e.

Elizáriu hatutan, dirijente kooperativa-sira tenki hahú ho omilidade, dezenvolve ho onestidade no kontrola ho simplisidade.

“Ho haraik an hodi atrai ita-nia maluk seluk, onestu ba ita-nia maluk-sira; loos hateten loos, sala hateten sala. Dirijente fiskais kooperativa sira kuandu kontrola servisu mak hetan sala tenke hateten sala. Kooperativa tenki ko’alia ba malu,” Governante ne’e enkoraja.

Nune’e, nia husu dirijnte sira tenke sai ezemplu ba membru-sira. Iha okupasaun Indonézia nian tempu kooperativa neen, maibé susesu tebe-tebes. Kréditu Uniaun ne’e serbisu di’ak basta dirijente mak tenke servisu ho loloos. Kréditu Uniaun ninia servisu multi-sektorál.

“Ita tenki eduka ema hodi moris iha vida ekonómia. Ida ne’e tenke misaun ita-nia, ha’u husu parabéns kooperativa 12 ne’ebé maka ohin simu ona pose, oportunidade di’ak tenki serbisu maka’as atu kooperativa labele mate,” Nia haktuir.

Nia husu agradese ba Governu Nova Zelándia no ADRA iha Timor-Leste ne’ebé apoiu kooperativa sira.

Kooperativa 12 ne’e atividade maka hanesan kuda nuu, Kamii, Ai-lia no Maek no balun kréditu osan ba povu agrikultór-sira. Kooperativa sira ne’e mai husi suku 15 munisípiu Viqueque.

Entretantu, partisipa tomada de pose ba dirijente kooperativa 12 ne’e, direta husi Sekretáriu Estadu Kooperativa no asiste husi Ministro Agrikultura no Peska, Vise-ministru komérsiu no indústria, Admnistradór munisípiu Viqueque, Administradór posto lima, Xefe suku no Autoridade lokál hotu, Diretór MAP Viqueque, Diretór IADE, Sosa-na’in sira husi Viqueque, membru kooperativa no Fasilitadór merkadu lokál.

Jornalista :Vitorino Lopes da Costa
Editór:Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here