Prezidente komisaun organizadora no atuál administradór munisípiu Viqueque, Januario Soares 'Boly'

VIQUEQUE, 06 outubru 2021 (TATOLI)-Iha 2021 ne’e, komemorasaun loron internasionál ba redusaun risku dezastre, munisípiu Viqueque mak sai uma-na’in. Iha komemorasaun ne’e, sei realiza ho atividade importante haat hanesan sertame ba estudante, semináriu, simulasaun dezastre, talkshow no taka estaka ba fatin risku.

“Kona-ba komisaun organizadora ami forma ona no komisaun ida husi nasionál maka sei servisu hamutuk hodi realiza atividade ne’ebé sei monu iha loron 13 iha suku Balara Uain, postu Viqueque,” Prezidenti komisaun organizadora, atuál adiministradór munisípiu Viqueque, Januario Soares ‘Boly’, ba jornalista Agência Tatoli, iha ninia kna’ar fatin administrasaun Viqueque, kuarta ne’e.

Tuir autoridade másimu munisípiu Viqueque ne’e, komisaun preparsaun halo preparativu ba komemorasaun nian no horseik (tersa) komisaun husi Viqueque enkontru ho autoridade suku Balara Uain nian hodi envolve komunidade.

Komemorasaun ne’e, sei partisipa husi konvidadu sira hanesan embaixadór sira iha Timor-Leste no governante sira.

Ho komemorasaun ne’e, nia dehan, importante tebes ba komunidade hodi bele hatene no hadook husi risku tanba iha fulan ida ne’e, iha previzaun sei mosu tan La Niña.

Orsamentu alokadu ba komemorasaun loron internasionál ba redusaun risku dezastre naturál ne’e sei gasta $8.000 no komisaun nasionál uza ba transporte $2.000.

“Orsamentu 8 mil ne’e, ha’u hanesan prezidenti orienta ona komisaun sira hodi aloka orsamentu ba kada seksaun sira hodi ezekuta ba atividade sira,” nia hato’o.

Notísia relevante:SEPS no parseiru hahú prepara kondisaun hasoru fenómenu La Niña

Jornalista : Vitorino Lopes da Costa
Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here