Vise-Ministru Edukasaun juventude no Desportu akompaña XefE aldeia Ila, Suku Belekasak, hodi simu vasina. Imajen Tatoli/Celestina Teles.

COVALIMA, 06 outubru 2021 (TATOLI)—Xefe Suku Belekasak, postu administrative Maucatar, munsípiu Covalima, Leonito Gusmão, hateten ho prezensa Vise-Ministru Edukasaun Juventude no Desportu, António Guterres, ne’ebé halo kampaña vasinasaun ne’e motiva abitante sira antuziasmu simu vasina.

“Durante ne’e povu tauk simu vasina tanba rona informasaun falsu. Maibé, ho prezensa vise-ministru nian ne’e, motiva populasaun sira hodi simu vasina. Ita-nia povu barak mak tauk atu simu vasina. Iha Covalima ne’e populasaun iha suku Belekasak, aldeia Ila mak númeru simu vasina e’e mínimu liu. Ita agradese, ohin, ho prezensa hosi vise-ministru, abitante sira belé marka presensa iha ne’e hodi simu vasina,” Xefe Suku Belekasak, Leonito Gusmão, hateten ba jornalista sira iha aldeia Ila, Maucatar, Cvalma, kuarta ne’e. 

Númeru vasina mínimu liu mak iha aldeia Ila, tanba populasaun sira barak mak fiar liu informasaun falsu hosi mídia privadu no rede sosiál (facebook), nomós tanba dala barak labele asesu imformasaun ho loloos no momoos tanba la asesu eletrisidade.

Xefe Departamentu Programa Saúde Munisípiu Covalima, Agapito de Jesus, apresia ba abitante  sira iha Aldeia Ila, suku Belekasak, tanba ohin bele  partisipa programa vasinasaun.

“Apresia ba ita-boot sira-ne’ebe mak ohin marka presensa iha ne’e hodi simu vasina. Tanba iha semana kotuk liubá, ami iha suku Belekasak halo komunidade partisipa kampaña vasina maibé abitante sira halai tanba tauk at simu vasina. Maibé, ohin, sira mai simu vasina tanba durante ne’e fiar liu mak informasaun falsu,” nia hatutan. 

Abitante iha aldeia Ila ne’ebè vasina ona hamutuk 45, abitante alvu ne’ebè atu simu vasina hamutuk 155, nune’e abitante na’in 110 mak seidauk simu vasina, maibé ho prezensa Vise-MEJD ne’e abitante sira hahú rejista ona sira-nia naran atu simu vasina. 

Jornalista : Celestina Teles

Editór      : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here