Komunidade simu Cesta Bázika. Imajen TATOLI/Dok

DILI, 01 outubru 2021 (TATOLI)-Xefe Aldeia Golgota suku Comoro, postu administrativu Dili munisípiu Dili, Agostinho de Sousa Pereira informa ninia komunidade hamutuk uma-kain 148 maka sesta ne’e simu ona sasán nesesidade bázika husi programa cesta bázika.


Nia dehan iha faze dahuluk nian iha fulan hirak liubá reklamante hirak ne’e naran laiha lista distribuisaun  hodi simu apoiu ne’e.

Tanba ne,e, iha tempu ne’ebá kedas autoridade suku hatama lista reklamasaun ba Governu hodi konsidera no ohin populasaun sira simu ona sira-nia diretu.

“Hau-nia komunidade ne’ebé sai reklamante ba Cesta Bázika ne’e uma-kain hamutuk 100 resin maibé ohin uma-kain haat ho totál membru família hamutuk 30 mak simu uluk no aumenta ita-nia komunidade ne’ebé antes ne’e seidauk simu cesta bázika ne’e hamutuk uma-kain 118, entaun sira ne’ebé ohin simu ne’e sira ne’e ita konta hotu reklamante 148,”Agostino de Sousa Pereira ba Agência TATOLI iha salaun Don Bosco Comoro Dili.

Iha fatin hanesan benefisiáriu Leonildo Francisco Madeira, hato’o agradese ua’in ba Governu Konstitusionál daualu tanba sira-nia esforsu maka fó ona apoiu sasán nesesidade bázika hodi sustenta família durante pandemia Covid-19.

Entertantu, Kompaña JIVAN maka ohin distribui sasán nesesidade bázika husi programa cesta bázika hanesan foos rai, mina, koto, foremungu, ikan, manu-tolun no seluk tan.

Jornalista : Arminda Fonseca

Editór : Agapito dos Santos

PUBLISIDADEiklan

HAKEREK NO HATÁN

Please enter your comment!
Please enter your name here